11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ջեն Փսակին մեկ տարուց կհեռանա Բայդենի մամլո խոսնակի պաշտոնից
Քաղաքականություն
07.05.2021 | 11:11
ԱՄՆ նախագահ Ջո Բայդենի մամլո քարտուղար Ջեն Փսակին պլանավորում է հրաժարական տալ մոտավորապես մեկ տարուց։ Այս մասին հայտնում է CNN հեռուստաալիքը։
Լրատվականը նշում է, որ Փսակին չէր նախատեսել, որ կվերադառնա Սպիտակ տուն, բայց երբ Ջո Բայդենը խնդրել է միանալ իր թիմին՝ համաձայնել է: Այժմ նա խոսում է Բայդենի վարչակազմի անունից և գրեթե ամենօրյա ճեպազրույցներ է ունենում, որոնք նա անվանում է իր պարտականությունների այսբերգի գագաթնակետը:
Փսակիի խոսքով՝ նա Բայդենի թիմի հետ պայմանավորվել է հենց մեկամյա աշխատանքի մասին։ «Կարծում եմ, որ մեկ տարուց կամ մոտավորապես մեկ տարուց այս պաշտոնը այլ մարդ կզբաղեցնի»,- ասել է նա լրագրող Դևիդ Ակսելրոդին , որի հետ հարցազրույցը հրապարակել է CNN-ը։
Տաթև Ֆռանգյան
