19.05.2026 | 21:50
Հրդեհի ահազանգ Մասիս քաղաքում․ ըստ նախնական տվյալների՝ կան երկու զոհ և երկու տուժած
Ադրբեջանը հունվար-ապրիլին Թուրքիայից ավելի քան 117 մլն դոլարի զենք-զինամթերք է գնել
Քաղաքականություն
06.05.2021 | 19:04
Ադրբեջանը 2021 թվականի հունվար-ապրիլ ամիսների արդյունքներով՝ թուրքական զենքի գնման ցուցանիշով երկրորդ տեղում է։ Այս մասին հաղորդում է «Անադոլու» գործակալությունը։
Թուրքիայից հունվար-ապրիլ ամիսներին պաշտպանական ու ավիացիոն արտադրանքի արտահանումը կազմել է գրեթե մեկ մլրդ դոլար։ Այդ երկրի Առևտրի նախարարության տվյալներով՝ Թուրքիայից պաշտպանական ու ավիացիոն ոլորտի ապրանքների հիմնական գնորդը 2021 թվականին հունվար-ապրիլ ամիսներին եղել է ԱՄՆ-ն՝ 386․113 մլն դոլար ցուցանիշով (աճել է 56 տոկոսով)։
Երկրորդ տեղում Ադրբեջանն է։ Հունվար-ապրիլ ամիսներին Բաքուն Անկարայից 117․315 մլն դոլարի ռազմական արտադրանք է ձեռք բերել։ Նշենք, որ 2020 թվականի հունվար-ապրիլ ամիսներին այս ցուցանիշը կազմել է 8․795 մլն դոլար։
Ադրբեջանին հաջորդում են ԱՄԷ-ն՝ 90․299 մլն դոլարի ռազմական արտադրանքի գնումներով, այնուհետև Բանգլադեշը (57․827 մլն դոլարով) և Գերմանիան (50.014 մլն դոլարով)։
Էմմա Չոբանյան
