27.04.2026 | 18:34
Պաշտոնյայի կին լինելուց առաջ ես ՀՀ քաղաքացի եմ, և դուք խախտում եք իմ իրավունքը. Հակոբյանը` լրագրողին․ ՏԵՍԱՆՅՈՒԹ
Ապրիլին Ադրբեջանից ավելի քան 100 տոննա բանջարեղենի մուտքը ՌԴ տարածք չի թույլատրվել
Քաղաքականություն
06.05.2021 | 21:43
Ապրիլին Ադրբեջանից ավելի քան 52 տոննա թարմ լոլիկի մուտքը ՌԴ տարածք չի թույլատրվել՝ կարանտինային վնասատուների առկայության պատճառով։ Այս մասին հայտնում է Ռոսսելխոզնադզորի միջմարզային կովկասյան վարչությունը։
Նշվում է, որ, ընդհանուր առմամբ, վարչության կողմից ստուգվել է 39,656 տոննա թարմ բանջարեղեն ու միրգ, որոնք ներկրվում են Ադրբեջանից ու Իրանից։
«Կարանտինային ֆիտոսանիտարական վերահսկողության ընթացքում ՌԴ տարածք չի թույլատրվել Ադրբեջանից 3 խմբաքանակ թարմ լոլիկ (52,2 տոննա), ինչպես նաև 2 խմբաքանակ ծաղկակաղամբ(32,5 տոննա), 1 խմբաքանակ թարմ պղպեղ(16,6 տոննա) և երկու խմբաքանակ լոլիկ Իրանից (36 տոննա)»,- ասված է հայտարարության մեջ։
Բեռների մուտքը չթույլատրելու համար հիմք է հանդիսացել «ФГБУ «ВНИИКР»»-ի դաղստանյան մասնաճյուղի կողմից մթերքներում վնասակար նյութերի հայտնաբերման փաստը։
