11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
80,000 ՌԴ զորքերը մնում են Ուկրաինայի հետ սահմանին, մինչ ՆԱՏՕ-ն զորավարժություններ է անցկացնում Եվրոպայում․ NYT
Քաղաքականություն
06.05.2021 | 14:10
ԱՄՆ պետքարտուղար Էնթոնի Բլինքենը ժամանել է Կիև չորեքշաբթի ուշ երեկոյան ՝ աջակցություն հայտնելու Ուկրաինային Ռուսաստանի հետ առճակատման հարցում: Միևնույն ժամանակ, New York Times-ի աղբյուրները Պենտագոնում և Wall Street Journal-ինը՝ ՆԱՏՕ-ում, հայտնում են, որ ռուսական զորքերի մեծ մասը, որոնք ապրիլի 22-ին Ռուսաստանի պաշտպանության նախարար Սերգեյ Շոյգուն հրամայել էր դուրս բերել, մնում է Ուկրաինայի հետ սահմանի մոտերքում:
NYT- ի աղբյուրների գնահատականի համաձայն՝ ռուս-ուկրաինական սահմանին մնացած ուժերի թիվը մոտ 80,000-ի հասնում։ Բացի այդ, այնտեղ տեղակայված զինտեխնիկայի մի զգալի մասը մնում է սահմանի մոտ:
Զորքերի տեղափոխումը իրենց մշտական տեղակայման վայրեր պետք է ավարտվեր մինչև մայիսի 1-ը. Wall Street Journal- ը գրում է, որ մեկնաբանություն է խնդրել Ռուսաստանի Պաշտպանության նախարարությունից, սակայն պատասխան չի ստացել:
New York Times-ի զրուցակցի խոսքով՝ վարչակազմում Ուրկարինայի հետ սահմանին ռուսական ռազմական ներկայությունն ընկալում են որպես ազդանշան Վլադիմիր Պուտինից այն մասին, որ Եվրոպայում ՆԱՏՕ-ի ու ԱՄՆ-ի շարունակվող զորավարժությունների պայմաններում նա ունակ է «ի ցույց դնել հավասար և անգամ մի քանի անգամ գերազանցող զորաքանակ»։
Defender Europe զորավարժությունները մեկնարկել են Ալբանիայում երեքշաբթի օրը։ Վարժանքներին, որոնք կտևեն 2 ամիս , մասնակցում է 28 հազար ամերիկացի ու եվրոպացի զինվորական։ Հունիս ամսին էլ Ռումինիայում ու Պորտուգալիայում ևս տեղի կունենան ՆԱՏՕ-ի զորավարժությունները, որոնք կկրեն «Steadfast Defender 21» անվանումը։
Տաթև Ֆռանգյան
