24.04.2026 | 23:32
Կապանում ջրանջատում կլինի
Բլինքենը Բաքվին կոչ է արել հարգել պահվող անձանց նկատմամբ մարդասիրական վերաբերմունքն ապահովելու պարտավորությունները
Քաղաքականություն
05.05.2021 | 18:02
ԱՄՆ պետքարտուղար Էնթոնի Բլինքենն անդրադարձել է նախօրեին Բաքվից վերադարձած հայ ռազմագերիների թեմային։
«ԱՄՆ-ը ողջունում է Ադրբեջանի կողմից պահվող երեք հայ անձանց ազատ արձակումը: Մենք կոչ ենք անում երկու կողմերին՝ ամբողջությամբ և արագ կերպով ավարտել բոլոր բանտարկյալների, կալանավորվածների ու մնացյալ այլ անձանց փոխանակման գործընթացը, ինչպես նաև հարգել պահվող անձանց նկատմամբ մարդասիրական վերաբերմունքն ապահովելու իրենց պարտավորությունները»,- Twitter-ի իր միկրոբլոգում գրել է Էնթոնի Բլինքենը:
Նշենք, որ տարբեր տվյալներով՝ 200-ից ավելի հայ ռազմագերիներ դեռ շարունակվում են գտնվել Ադրբեջանում։ ՀՀ Մարդու իրավունքների պաշտպանն ու ՄԻԵԴ-ում հայ գերիների շահերը ներկայացնող իրավապաշտպաններն էլ խոսում են Բաքվում պահվող հայ գերիների նկատմամբ խոշտանգումների և սպանության փաստերի մասին։
Էմմա Չոբանյան
