27.06.2026 | 11:04
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Սերժ Սարգսյանը ոչ միայն 7 շրջաններն էր տալիս, այլև Ղարաբաղի կեսը․ Ադրբեջանը ասում էր՝ ոչ․ Փաշինյան. ՏԵՍԱՆՅՈՒԹ
Քաղաքականություն
05.05.2021 | 17:33
«Եկեք մեղադրանքը հիմավորենք, տեսնենք դավաճանն ով է: Սերժ Սարգսյանը 2016 թվականի նոյեմբերի 17-ին «Ռոսիա» հեռուստաընկերությանը տված հարցազրույցում, որը յուրաքանչյուր ոք հիմա կարող է գտնել, ասում է, որ իրենք պատրաստ էին 7 շրջանները հանձնելու Ադրբեջանին, բայց Ադրբեջանն ասում էր՝ ո՛չ, ավելին պետք է տաք, նոր պայմաններ էր առաջ քաշում»,- այս մասին հայտարարեց ՀՀ վարչապետի պաշտոնակատար Նիկոլ Փաշինյանը ԱԺ-ում Կառավարության հետ հարցուպատասխանի ժամանակ՝ անդրադառնալով Սերժ Սարգսյանի մեղադրանքներին՝ բանակցային գործընթացը տապալելու վերաբերյալ:
« Սերժ Սարգսյանն ավելին էր տալիս Ադրբեջանին, Ղարաբաղի կեսն էլ էր տալիս, բայց Ադրբեջանն էլի ասում էր՝ ոչ: Երբ նախորդ հարցուպատասխանին ասում էի՝ Սերժ Սարգսյանը օգտագործում է «բնակիչ» եզրույթը, արդյոք կարո՞ղ ենք եզրակացնել, որ նաև ԼՂԻՄ-ի ադրբեջանցի բնակիչները պետք է մասնակցեին այդ ենթադրվող հանրաքվեին: Ինձ զարմացրեց, որ էլի հանրապետականները արձագանքեցին, ասեցին, թե Խորհրդային Միության ժամանակ եղած չափով պետք է մասնակցեին ադրբեջանցիները: Երկու սկզբունքային հարց կա: Խորհրդային Միության տարիներին, եթե հավատանք մարդահամարին, Լեռնային Ղարաբաղի Ինքնավար Մարզում բնակվել է 40 հազար ադրբեջանցի: Երբ այդ 40 հազար ադրբեջանցին Սերժ Սարգսյանի և Հանրապետականի հիշատակած հանրաքվեի բերումով ստանում են Լեռնային Ղարաբաղի բնակչի կարգավիճակ, հարց եմ տալիս՝ այդ բնակիչը որտե՞ղ պետք բնակվեր: Մեր նախորդ հարցուպատասխանի ժամանակ ասում էի, որ Շուշիի հարց միշտ եղել է, իրենք ասում են՝ չէ՛, չի եղել: Ես ձեզ ցույց եմ տալիս, որ միշտ եղել է»,- ասաց Փաշինյանը:
Փաշինյանը սկզբունքային հարցեր թվեց, որից մեկն էլ՝ արդյոք բանակցային փաստաթղթերում ձևակերպվա՞ծ է, թե որտեղ է լինելու հանրաքվեն:
«Արդյոք բանակցած այդ իրենց փաստաթղթում հստակ գրվա՞ծ էր, թե ով է ձևակերպելու ի վերջո հանրաքվեի դրվող հարցը՝ ո՛չ: Եթե նույնիսկ այս ամենը ընդունենք ընդունելի, արձանագրենք, որ նույնիսկ այս տարբերակին Ադրբեջանն ասել է՝ ոչ»,- նշեց Փաշինյանը:
Վարչապետի խոսքով՝ այդ պատմությունը 1998 թվականից է սկսվել, երբ Ղարաբաղը, Փաշինյանի խոսքով՝ դուրս է շպրտվել բանակցային գործընթացից, և Հայաստանի բարձրագույն ղեկավարությունը կողմ է քվեարկել Եվրոպայում անվտանգության խարտիային. դրանում հստակ նշվել է, որ ազգային փոքրամասնությունների իրավունքների պաշտպանությունը պետք է ամրապնդի տարածքային ամբողջականությունը երկրների և ինքնիշխանությունը գոյություն ունեցող պետությունների կազմում:
«Իրենք ինչի՞ չեն տալիս այս հարցերը, որովհետև այս հարցերին պատասխանելուց հետո ասելու են՝ դե եկեք պարզենք, թե ո՛վ է դավաճանը, ո՛վ է կապիտուլյանտը, ո՛վ է հողատուն: Ես ասում եմ՝ դո՛ւք եք, Ռոբերտ Քոչարյան, Սերժ Սարգսյան, դավաճան եք, կապիտուլյանտ եք, հողատու եք: Մենք պայքարել ենք ձեր դավաճանության դեմ, բայց դուք պատերազմի օրերին էլ ձեր դավաճանությունը շարունակել եք»,- ասաց Փաշինյանը:
Մանրամասները տեսանյութում:
