19.01.2026 | 14:34
Եթե ռուս սահմանապահները դուրս գան Ախուրիկի հատվածից՝ հայտարարություն կլինի. Վահագն Ալեքսանյան․ ՏԵՍԱՆՅՈՒԹ
Հնդկաստանը նոր հակառեկորդ է սահմանում․ աշխարհում Covid-19-ից մահացածներից յուրաքանչյուր 4-րդը բաժին է ընկնում Հնդկաստանին
Քաղաքականություն
05.05.2021 | 18:18
Առողջապահության համաշխարհային կազմակերպությունը (ԱՀԿ) այսօր հայտնել է, որ ամբողջ աշխարհում անցյալ շաբաթ գրանցված Covid-19-ով վարակման նոր դեպքերի 46%-ը և հիվանդության հետևանքով մահվան յուրաքանչյուր 4-րդ դեպքը բաժին է ընկնում Հնդկաստանին, գրում է Reuters-ը։
Հնդկաստանում համաճարակի բռնկումը, այդ թվում նաև նոր բարձր վարակունակությամբ Covid-19-ի շտամը, որն առաջին անգամ հայտնաբերվել է հենց Հնդկաստանում, հանգեցրել է նրան, որ հիվանդանոցներում վերջացել են մահճակալները և թթվածնի սուր պակաս է նկատվում, իսկ դիահերձարաններն ու դիակիզարանները լեփ-լեցուն են։
Շատ հնդիկներ մահանում են շտապօգնության մեքենաներում ու ավտոկայանատեղիներում՝ սպասելով հիվանդանոցներում տեղ ազատվելուն։
Իր ամենշաբաթյա զեկույցում ԱՀԿ-ն հայտնել է, որ ողջ աշխարհում անցյալ շաբաթ գրանցվել է հիվանդության վարակման 5,7 միլիոն նոր ու մահվան 93000 դեպք։ Հնդկաստանը հայտնել է գրեթե 2,6 միլիոն նոր դեպքի մասին, ինչը 20% ավելի է, քան նախորդ շաբաթ էր։
Տաթև Ֆռանգյան
