11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ղազախստանն ու Թուրքիան ռազմական համագործակցության ծրագիր են ստորագրել
Քաղաքականություն
05.05.2021 | 14:03
Անկարայում Ղազախստանն ու Թուրքիան ընթացիկ տարում ռազմական համագործակցության ծրագիր են ստորագրել։ Այս մասին հայտնել են Ղազախստանի Պաշտպանության նախարարությունից, գրում է EurAsia Daily-ն։
«Փաստաթուղթը ներառում է տարածքային անվտանգության ոլորտում 17 միջոցառում, հատուկ նշանակության ստորաբաժանումների նախապատրաստում, համատեղ զորավարժությունների անցկացում։ Նախատեսվում է փորձի փոխանակում հետախուզական ու հարվածային անօդաչու թռչող սարքերի կիրառման ռազմավարության ոլորտում»,- ասված է մամլո հաղորդագրության մեջ։
Հավելենք, որ ծրագրի ստորագրմանը նախորդել են բանակցություններ երկու երկրների ռազմական գերատեսչությունների գլխավոր շտաբների միջև։ Դիտարկվել է նաև ռազմական կրթության ու գիտության ոլորտում փոխգործակցությունը, համաձայնեցվել է 2022-2023 թթ. ուսումնական տարվա զինծառայողների ուսուցման ծրագիրը։
Հիշեցնենք, որ Ղազախստանը հանդիսանում է ՀԱՊԿ անդամ։
Տաթև Ֆռանգյան
