08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Կանադայում հաստատվել է AstraZeneca-ով պատվաստումից հետո մահվան դեպքը
Քաղաքականություն
05.05.2021 | 14:18
Կանադայի Ալբերտա նահանգում հաստատվել է բրիտանա-շվեդական AstraZeneca ընկերության դեղորայքով պատվաստումից հետո առաջին մահվան դեպքը, գրում է ՏԱՍՍ-ը։
54-ամյա կինը մահացել է ապրիլի 27-ին:
«Մենք այդ մասին հայտնում ենք այսքան ուշ, քանի որ անհրաժեշտ էր տեղեկությունը հաստատել», – հայտնել է նահանգի գլխավոր բժիշկ Դինա Հինշուին:
Ըստ նրա՝ պատվաստանյութն ամեն դեպքում համարվում է անվտանգ, քանի որ դրա ներարկումից հետո լուրջ բարդությունները քիչ հավանական են։
Ապրիլի 27-ին գրանցված մահվան դեպքը, որը կարող է կապված լինել AstraZeneca պատվաստանյութի հետ, գրանցվել է Քվեբեկ նահանգում։ Մահվան պատճառ է դարձել արյան շրջանառության խանգարման հետևանքով խոշոր անոթներում առաջացած թրոմբը։
Ավելի վաղ Կանադայում պատվաստվածների մոտ հայտնաբերվել է թրոմբների առաջացման 6 դեպք։ Հաղորդվել է, որ այդ մարդիկ բուժզննությունից հետո տուն են ուղարկվել։
Տաթև Ֆռանգյան
