07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Մեր որոշումները կախված չեն նրանից` ընտրություններ կա՞ն, թե՝ ոչ. ԿԲ նախագահ
Քաղաքականություն
04.05.2021 | 16:56
Մեր գործողությունները պայմանավորված չեն նրանով՝ երկրում ընտրություններ կան, թե ոչ: Այս մասին այսօր հրավիրված ասուլիսում նշեց Կենտրոնական բանկի նախագահ Մարտին Գալստյանը:
«Ընտրությունների անցակցումը բացառիկ քաղաքական պրոցես է, որից մենք փորձում ենք զերծ մնալ: Տոկոսադրույքի հետ կապված մեր մյուս նիստը տեղի է ունենալու հունիսի 15-ին, ենթադրում եմ՝ ընտրություններից 5 օր առաջ: Բայց մեր գործողությունները պայմանավորված չեն նրանով, երկրում ընտրություններ են, թե ընտրություններ չեն, որովհետև հասարակությունը մեզանից ուրիշ ակնկալիքներ ունի: Մենք փորձում ենք ասել, որ Կենտրոնական բանկն իր դիրքերում է, և երկրում ինչ էլ տեղի ունենա, մենք փորձելու ենք 4 տոկոսի հետ կապված խոստումն ապահովել»,- նշեց Գալստյանը:
Նշենք, որ նախորդ ամսվա տվյալներով՝ 12-ամսյա գնաճը կազմել է 5.3 տոկոս։ ԿԲ նախագահ Մարտին Գալստյանի խոսքով՝ կանխատեսվում է, որ այս ցուցանիշն առաջիկայում կնվազի և կկայունանա թիրախային, ծրագրված 4 տոկոսի շուրջ։
Մանրամասները՝ տեսանյութում:
