19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
«Կանաչ անձնագրեր» կհայտնվեն Վրաստանում պատվաստվածների համար
Քաղաքականություն
04.05.2021 | 20:20
Վրաստանի կառավարությունն ակտիվ աշխատում է, այսպես կոչված, «կանաչ անձնագրերի» մշակման ուղղությամբ, որոնք կտրվեն կորոնավիրուսի դեմ պատվաստման ամբողջական կուրսն անցած անձանց։ Այս մասին հայտարարել է Կորոնավիրուսի դեմ պայքարի միջգերատեսչական համակարգող խորհրդի օպերատիվ շտաբի ղեկավար Գեորգի Գիբրաձեն, գրում է Sputnik-ի վրացական ծառայությունը։
Ապրիլի վերջին Վրաստանը հայտարարեց քովիդ-անձնագրեր տրամադրելու մասին: Հիվանդությունների վերահսկման և հանրային առողջության պահպանման ազգային կենտրոնի ղեկավար Ամիրան Գամկրելիձեի խոսքով՝ վրացական քովիդ-անձնագիրը կհամապատասխանի եվրոպական գործընկեր պետությունների համանման անձնագրերի չափանիշներին:
ԵՄ-ն նախատեսում է ներդնել COVID անձնագրային համակարգ՝ երկրների միջեւ համաճարակով պայմանավորված տեղաշարժի խնդիրները հեշտացնելու համար:
Տաթև Ֆռանգյան
