07.10.2026 | 23:48
Արթուր Դանիելյանը կալանավորվեց
Բանակից խուսափած 5433 անձ գտնվում է հետախուզման մեջ. փոխնախարար. ՏԵՍԱՆՅՈՒԹ
Քաղաքականություն
04.05.2021 | 12:42
Ազգային ժողովում քննարկվում է «Ժամկետային զինվորական կամ այլընտրանքային ծառայության հերթական զորակոչից, վարժական հավաքից կամ զորահավաքային զորակոչից խուսափած անձանց նկատմամբ համաներում հայտարարելու մասին» հարցը:
Նախագծով նախատեսվում է համաներում հայտարարել մինչև 2020 թվականի սեպտեմբերի 26-ը 27 տարին լրացած շարքային և 35 տարին լրացած պահեստազորային սպաների` պարտադիր զինվորական կամ այլընտրանքային ծառայությունից կամ վարժական հավաքից խուսափած քաղաքացիների համար։ Հովհաննիսյանը, սակայն հայտնեց, որ կառավարությունում որոշել են օրենքը տարածել նաև դրա ուժի մեջ մտնելու օրվա դրությամբ 27 տարին լրացած շարքային և 35 տարին լրացած պահեստազորի սպաների նկատմամբ։
ՀՀ արդարադատության նախարարի տեղակալ Արմեն Հովհաննիսյանի խոսքով՝ նախագծում որպես պայման նշված է անձանց կամովին ներկայանալը. անձը պետք է ներկայանա համապատասխան մարմիններ, և համապատասխան ընթացակարգերն անցնելուց հետո համաներումը կիրառվի:
Հովհաննիսյանի տեղեկացմամբ՝ ոստիկանության տրամադրած տեղեկությունների համաձայն՝ մայիսի 4-ի դրությամբ բանակից խուսափած 5433 անձ գտնվում է հետախուզման մեջ:
Մանրամասները՝ տեսանյութում:
