08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Բայդենը զգալիորեն մեծացրել է փախստականների ընդունման քվոտան
Քաղաքականություն
04.05.2021 | 10:46
ԱՄՆ նախագահ Ջո Բայդենը բարձրացրել է երկիր փախստականների ընդունման սահմանաչափը՝ 15 հազարից հասցնելով 62,5 հազար մարդու: Երկրի ղեկավարի համապատասխան հայտարարությունը հրապարակել է Սպիտակ տան մամուլի ծառայությունը:
«Սա չեղարկում է նախորդ վարչակազմի կողմից հաստատված պատմականորեն ամենացածր քվոտան ՝ 15,000-ը, որը չի արտացոլում Ամերիկայի արժեքները՝ որպես փախստականներին ողջունող և աջակցող երկիր», – ասված է փաստաթղթում:
Նշվում է, որ Բայդենի վարչակազմը նախատեսում է հաջորդ ֆինանսական տարում (հոկտեմբերի 1-ից) ընդունել 125 հազար միգրանտների, ինչը ներառված է բյուջեում:
«Մենք պատրաստվում ենք օգտագործել բոլոր հասանելի գործիքները, որպեսզի օգնենք մանրակրկտորեն ստուգում անցած փախստականներին, որոնք փրկվում են իրենց երկրներում սարսափելի պայմաններից»,- եզրափակել են Սպիտակ տնից։
Ինչպես հայտնի է 15 000 ներգաղթյալներ ընդունելու քվոտան նվազագույն ցուցանիշն է 1980 թվականից ի վեր, որը սահմանվել էր ԱՄՆ նախորդ նախագահ Դոնալդ Թրամփի կողմից։
Ավելի վաղ հաղորդվել էր, որ վերջին 20 տարվա ընթացքում միգրանտների ամենամեծ հոսքն է սկսվել դեպի ԱՄՆ: Կոնգրեսը պնդում էր, որ այդ ամենը հրահրել է Բայդենի վարչակազմը։
Տաթև Ֆռանգյան
