11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Հնդկաստանում Covid-19-ից մեկ օրում մահացել է 3 689 մարդ․ երկրում իրավիճակը ծայրաստիճան ծանր է
Քաղաքականություն
03.05.2021 | 13:03
Աշխարհն ահագնացող մտահոգությամբ է հետևում Հնդկաստանում ստեղծված իրավիճակին, որտեղ կիրակի օրը գրանցվել է Covid-19- ից մահվան նոր ռեկորդ․ մեկ օրվա ընթացքում այս հիվանդությունից մահացել է 3 689 մարդ: Մեկ օր առաջ Հնդկաստանը դարձել էր աշխարհում առաջին երկիրը, որտեղ 24 ժամվա ընթացքում գրանցել էր ավելի քան 400,000 վարակվան նոր դեպք: Երկուշաբթի օրը իշխանությունները հաղորդել են ևս 3147 մահվան մասին, գրում է BBC-ի ռուսական ծառայությունը:
Երկրում իրավիճակը ծայրաստիճան ծանր է: Հիվանդանոցները չունեն բավարար քանակությամբ մահճակալներ և թթվածին ծանր հիվանդների համար: Դիակիզարաններում նույնպես տեղերը չեն բավարարում:
Ընդհանուր առմամբ, Հնդկաստանում ավելի քան 19,9 միլիոն մարդ վարակվել է կորոնավիրուսով: Սա ԱՄՆ-ից հետո աշխարհի երկրորդ ամենաբարձր ցուցանիշն է: Բայց, ի տարբերություն Միացյալ Նահանգների, պատվաստումն այստեղ շատ դանդաղ է ընթանում։ Երկուշաբթի օրվա դրությամբ պատվաստանյութի առաջին չափաբաժինը ստացել է ընդամենը 85 հազար մարդ:
Ըստ պաշտոնական տվյալների՝ Հնդկաստանում ավելի քան 215,000 մարդ արդեն մահացել է կորոնավիրուսից, բայց իրական թվերը կարող են շատ ավելի մեծ լինել:
Չնայած աղետալի իրավիճակին, իշխանությունները հրաժարվում են համազգային լոքդաուն մտցնել՝ վախենալով տնտեսության փլուզումից: Անցյալ տարվա ապրիլ-հունիս ամիսներին լոքդաունը հանգեցրել է Հնդկաստանի տնտեսության 24% անկման:
Տաթև Ֆռանգյան
