20.05.2026 | 10:03
«Արսենալը» 22 տարի անց դարձել է Անգլիայի չեմպիոն․ ՏԵՍԱՆՅՈՒԹ
Ո՛չ ԱՄՆ-ը, ո՛չ Չինաստանը չեն ցանկանում ռազմական հակամարտություն․ Բլինքեն
Քաղաքականություն
03.05.2021 | 12:41
Ո՛չ ԱՄՆ-ը, ո՛չ Չինաստանը չեն ցանկանում ռազմական հակամարտություն, քանի որ այն հակասում է նրանց շահերին։ Այս մասին կիրակի օրը հայտարարել է ԱՄՆ պետքարտուղար Էնթոնի Բլինքենը CBS հեռուստաալիքին տված հարցազրույցում։
«Կարծում եմ, այդ կետին շարժվելը կամ անգամ նման ուղղություն ընտրելն ամբողջությամբ հակասում է և՛ Չինաստանի, և՛ ԱՄՆ-ի շահերին»,- ասել է նա։
Միևնույն ժամանակ, ըստ Բլինքենի, «Չինաստանը կարծում է, որ ինքը կարող է, պետք է և կլինի աշխարհի գերիշխող երկիրը»։
Նա հավելել է , որ վերջին մի քանի տարիների ընթացքում Չինաստանը դարձել է ավելի ռեպրեսիվ ներքին և ավելի ագրեսիվ՝ արտաքին քաղաքականության հարցում:
Բացի այդ, ԱՄՆ պետքարտուղարը նշել է, որ իր երկիրը հնարավորություն չունի չհամագործակցել ՉԺՀ-ի հետ:
«Մենք չենք կարող մեզ թույլ տալ Չինաստանի հետ չշփվելու շքեղությունը», – ասել է նա ՝ ավելացնելով, որ Չինաստանի հետ հարաբերությունների բոլոր ոլորտներում ՝ լինի դա առճակատում, մրցակցություն կամ համագործակցություն, երկու երկրների փոխգործակցության մեջ «իրական դժվարություններ» կան:
Տաթև Ֆռանգյան
