31.07.2026 | 21:00
Ծիրանի արտահանման աշխարհագրությունն ընդլայնվել է, ծավալը՝ հնգակի կրճատվել
Եվրախորհրդարանն ընդունած բանաձևով կոչ է անում կասեցնել «Հյուսիսային հոսք-2»-ի կառուցումը՝ «ՌԴ-ի կողմից Ուկրաինա ներխուժման» դեպքում
Քաղաքականություն
29.04.2021 | 22:52
Եվրախորհրդարանը (ԵԽ) որոշում է ընդունել Ռուսաստանի Դաշնության վերաբերյալ, որով կոչ է արվում պատժամիջոցներ կիրառել «Հյուսիսային հոսք 2» նախագծի, «Ռոսատոմ»-ի, «ռուս օլիգարխների» դեմ, ինչպես նաև անջատել Ռուսաստանի Դաշնությունը SWIFT միջազգային վճարային համակարգից՝ «Ուկրաինա ներխուժելու» դեպքում, գրում է ՏԱՍՍ-ը:
Այս մասին նշված է բանաձևի տեքստում, որի հաստատման համար եվրախորհրդարանականները քվեարկել են հինգշաբթի Բրյուսելում կայացած նստաշրջանում: Բանաձևին կողմ է քվեարկել ներկա 682 պատգամավորներից 562-ը, դեմ՝ 67-ը:
«Եթե ռազմական ուժերի տեղակայումն Ուկրաինայի հետ սահմանին վերածվի ՌԴ-ի կողմից Ուկրաինա ներխուժման, այս պայմաններում նավթի և գազի ներկրումը Ռուսաստանից պետք է անհապաղ դադարեցվի, Ռուսաստանը պետք է բացառվի SWIFT վճարային համակարգից, ռուս օլիգարխների բոլոր ակտիվները պետք է սառեցվեն, իսկ նրանց վիզաները ԵՄ՝ չեղարկվեն»,- ասված է բանաձևում:
Եվրախորհրդարանը պահանջում է, որ Եվրամիությունը կրճատի իր կախվածությունը Ռուսաստանից էներգետիկայի ոլորտում և ԵՄ անդամ երկրներին կոչ է անում կասեցնել «Հյուսիսային հոսք-2» նախագծի կառուցումը:
Եվրախորհրդարանի այս բանաձևը խորհրդատվական բնույթ է կրում և պարտադիր չէ ԵՄ ինստիտուտների կողմից կիրառման համար:
