16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կուսակիցների վարքագիծը պետք չի էդպես գնահատել. Վահան Մարտիրոսյանը՝ Երևանի ավագանու նիստում տեղի ունեցած ծեծկռտուքի մասին
Քաղաքականություն
15.02.2018 | 13:31
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը թեև տեսանյութերով տեսել է, թե Երևանի ավագանու նիստում ինչ է տեղի ունեցել, սակայն գնահատականներ տալ չի ցանկանում: Factor.am-ն այսօր կառավարության նիստից հետո նախարարից հետաքրքրվեց՝ ինչպես է գնահատում իր թիմակիցների պահվածքը, նախարարը գնահատակններում զգուշավոր էր:
«Ամեն դեպքում տգեղ միջադեպ է եղել, թե ով է մեղավոր կպարզվի հետո: Կուսակիցների վարքագիծը պետք չի էդպես գնահատել. չգիտենք՝ ինչ է եղել, ինչ հիմքեր կան»,- ասաց Վահարն Մարտիրոսյանը՝ հորդորելով վաղաժամ գնահատականներ չհնչեցնել:
Հիշեցնենք՝ օրեր առաջ Երևանի ավագանու նիստում ընդդիմադիր «Երկիր Ծիրանի» խմբակցության անդամների յուրօրինակ ակցիան վերածվեց ծեծկռտուքի: Ավագանու ՀՀԿ-ական անդամները ծեծի ենթարկեցին ընդդիմադիր խմբակցության անդամ Մարինա Խաչատրյանին, երբ վերջինս փորձում էր կոյուղաջրով լի տարաները մոտեցնել քաղաքապետ Տարոն Մարգարյանին:
Մանրամասները՝ տեսանյութում:
