25.08.2026 | 17:47
Հայ մրցավարը կսպասարկի ֆուտզալի Չեմպիոնների լիգայի խաղեր
Բորելը կոչ է արել ԵՄ-ին պատրաստ լինել ՌԴ հետ երկարատև բարդ հարաբերությունների
Քաղաքականություն
28.04.2021 | 22:31
Եվրամիությունն ակնկալում է Ռուսաստանի հետ երկարատև բարդ հարաբերություններ, այնուամենայնիվ, հնարավորության սահմաններում պատրաստ է դրանք բարելավել: Այս մասին չորեքշաբթի ասել է եվրոպական դիվանագիտության ղեկավար Ջոզեֆ Բորելը:
«Մենք պետք է պատրաստ լինենք Ռուսաստանի հետ բարդ հարաբերությունների երկար ժամանակահատվածի»,- ասել է նա Եվրախորհրդարանում ունեցած ելույթում:
Բորելը նշել է, որ Բրյուսելը «պատրաստ կլինի բարելավել հարաբերությունները, եթե Ռուսաստանն անկեղծ ցանկություն ցուցաբերի»: Սակայն, նրա կարծիքով, Մոսկվան այժմ, ընդհակառակը, ձգտում է սրել առճակատումը: Բացի այդ, ԵՄ դիվանագիտության ղեկավարը Ռուսաստանին մեղադրել է Եվրամիության վերաբերյալ ապատեղեկատվություն տարածելու մեջ:
«Մենք պետք է պահպանենք Ռուսաստանի հետ կապի ուղիները, և ես անձամբ պատրաստ եմ զբաղվել դրանով», – հավաստիացրել է եվրոպական դիվանագիտության ղեկավարը:
Նա կարծիք է հայտնել, որ ԵՄ-ն և Ռուսաստանի Դաշնությունը կարող են համագործակցել մի շարք միջազգային կարևոր թեմաների շուրջ, ինչպիսիք են Իրանի միջուկային հիմնախնդիրը և կլիմայի փոփոխության դեմ պայքարը:
Տաթև Ֆռանգյան
