11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Քոչարյանը՝ Ռուսաստանի հետ ինտեգրվելու, գյուղատնտեսության և թուրքական սահմանի բացման մասին
Քաղաքականություն
28.04.2021 | 16:15
Արդյունավետ կառավարման, գործարարներին չխանգարելու և Ռուսաստանի հետ ինտեգրացիայի ուղղությամբ մեկ ավելի քայլ անելու դեպքում ԵՏՄ-ն մեծ շուկա է բացում Հայաստանի համար։ Այս մասին համակիրների հետ հանդիպմանն ասել է ՀՀ երկրորդ նախագահ Ռոբերտ Քոչարյանը։
«Նաև Ռուսաստանի համար դա հետաքրքիր կլինի, որ փոքր ծավալի մեջ աջակցի այն աստիճանի, որ Հայաստանն էապես տարբերվի իր տնտեսական առաջխաղացումով, և սա օրինակ ծառայի ուրիշների համար՝ ավելի խորը ինտեգրվելու առումով»,- նշել է Քոչարյանը։
Խոսելով նախարարությունների մասին՝ նա նշել է, որ երբ բնակչության 25-30 տոկոսը զբաղված է գյուղատնտեսությունում, աննորմալ է այդ ոլորտի նախարարությունը փակելը։ Ըստ Քոչարյանի՝ իշխանության գալու դեպքում՝ իրենք մտադիր են վերականգնել Գյուղատնտեսության նախարարությունը, քանի որ այդ ոլորտը երկրի շարժիչ ուժերից մեկն է լինելու։
«Նորմալ չէ, եթե մենք փորձենք քարոզել, որ սահմանների փակ պահելը լավ երևույթ է։ Բայց մի բան ակնհայտ է, որ Թուրքիայի սահմանը բացելը մեծ հարված կհասցնի մեր գյուղատնտեսությանը, որովհետև մեր գյուղատնտեսությունները մրցակից են», – նշել է Քոչարյանը։
Ըստ նրա՝ եթե սահմանը բացվի, Արարատյան դաշտի գյուղատնտեսությունը ծանր վիճակի մեջ կընկնի։ Հետևաբար, մինչև սահմանը բացելը պետք է զգալի բարձրացնել սեփական գյուղատնտեսության մակարդակը, մեծացնել սուբսիդիաները։
Քոչարյանը պնդում է, որ հնարավորություն կա Հայաստանը վերածել մեծ շինհրապարակի և բոլորին ապահովել աշխատանքով։
