30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
ԵԽ-ն հաստատել է Եվրամիության և Միացյալ Թագավորության միջև առևտրային համաձայնագիրը՝ վերջ դնելով 4-ամյա բանակցություններին
Քաղաքականություն
28.04.2021 | 17:40
Եվրախորհրդարանը (ԵԽ) հավանություն է տվել «Brexit» – ի շրջանակներում Եվրամիության և Միացյալ Թագավորության միջև առևտրային համաձայնագրին, գրում է DW-ի ռուսական ծառայությունը:
Արդյունքում, Բրիտանիայի ՝ ԵՄ-ից դուրս գալուց հետո կողմերի միջև առևտրի և համագործակցության համաձայնագիրը լիարժեք վավերացնելու վերջին խոչընդոտը հանվել է: 660 պատգամավոր կողմ է քվեարկել առևտրային համաձայնագրին, հինգը դեմ են եղել, 32-ը ձեռնպահ են մնացել: Առցանց քվեարկությունը տեղի է ունեցել երեքշաբթի, բայց դրա արդյունքների մասին հայտնի է դարձել միայն այսօր:
Եվրախորհրդարանում քվեարկությունն ավարտեց ավելի քան չորս տարվա լարված բանակցություններն ու բանավեճերը 47 տարվա անդամակցությունից հետո Եվրամիությունը լքելու Բրիտանիայի որոշման շուրջ: Եվրախորհրդարանի լիբերալ խմբակցության նախկին անդամ և Բելգիայի նախկին վարչապետ Գի Վերհոֆստադտը Twitter- ի իր միկրոբլոգում մեկնաբանել է ԵԽ-ում տեղի ունեցած քվեարկությունը. «Պատմության մեջ խոչընդոտներ ստեղծելու և ազատությունները վերացնող առաջին առևտրային համաձայնագիրը երկու կողմերի ձախողո՞ւմ է, բայց ավելի լավ է, քան ոչինչ: Ես դեռ հավատում եմ, որ մի օր ձգտում ունեցող երիտասարդ մի քաղաքական գործիչ կցանկանա վերադարձնի Մեծ Բրիտանիան Եվրամիություն»:
Տաթև Ֆռանգյան
