31.10.2026 | 14:18
Հայաստանի և Ֆրանսիայի փրկարար ծառայությունները կշարունակեն համագործակցությունը
Հայ գերիները՝ Ադրբեջանում խոշտանգումների մասին․ մեկնարկել է ԱԺ արտահերթ նիստը․ Լուրեր
Քաղաքականություն
28.04.2021 | 12:17
Հայ գերիները VICE-ին պատմել են Ադրբեջանում խոշտանգումների ենթարկվելու մասին։ Նրանցից մեկի վկայությամբ՝ իրենց կոչ են արել հանձնվել, որ հետո փոխանցեն Կարմիր խաչին, բայց խաբել են ու տարել Բաքու։ Նախկին գերիները պատմել են, որ իրենց պարբերաբար ծեծել են։ Նրանցից մեկը պատմել է, որ իրեն սպառնացել են մահվան աստիճանի ծեծել, եթե իրենց ասած կեղծ վկայությունները չտա տեսախցիկի առաջ։
—
Մեկնարկել է Ազգային ժողովի արտահերթ նիստը: Նիստի օրակարգում ՀՀ քրեական, վարչական իրավախախտումների վերաբերյալ, ՀՀ քաղաքացիության և հարկային օրենսգրքերում փոփոխություններ և լրացումներ կատարելու մասին հարցերն են։ Օրենքի նախագծերի փաթեթը քննարկվելու է երկու ընթերցմամբ։
—
Արցախցի թոշակառուների աջակցության գումարը վճարվելու է ոչ թե ՀՀ-ից, այլ Արցախից, հետևաբար թոշակառուների լրացրած էլեկտրոնային դիմումների մերժումը չի ազդի աջակցության գումարի վճարմանը: Այս մասին պարզաբանում է ներկայացել Արցախի աշխատանքի, սոցիալական և միգրացիայի հարցերի նախարարությունը։
