11.10.2026 | 14:16
Թրամփն առաջարկել է Ատլանտյան օվկիանոսը վերանվանել իր պատվին
Հունվար-մարտ ամիսներին արտահանումն աճել է, ներմուծումը՝ նվազել
Տնտեսություն
26.04.2021 | 22:32
Այս տարվա մարտ ամսին, նախորդ տարվա նույն ամսվա համեմատ, ՀՀ-ից արտահանման ծավալն աճել է 21,8%-ով։ Այս մասին տեղեկանում ենք Պետական վիճակագրական Կոմիտեի հրապարակած տվյալներից։
Նշենք, սակայն, որ աճն արձանագրվել է նախորդ տարվա մարտ ամսվա համեմատությամբ, երբ երկրում կորոնավիրուսի տարածումը կանխելու նպատակով արտակարգ դրություն էր հայտարարված, գործում էին տնտեսական գործունեության մի շարք սահմանափակումներ, որի ընթացքում էլ արտահանումը նախորդող տարվա՝ 2019-ի նույն ամսվա համեմատ նվազեց 17,4%-ով։ Իսկ եռամսյակային կտրվածքով՝ այս տարվա հունվար-մարտ ամիսներին, նախորդ տարվա նույն ամիսների հետ համեմատ, ՀՀ-ից արտահանման աճը կազմել է 3,4 %:
Մարտ ամսին նախորդ՝ ճգնաժամային տարվա նույն ամսվա համեմատ, 5%-ով աճել է նաև ներմուծումը։ Այստեղ սակայն եռամսյակային կտրվածքով նվազում է գրանցվել․ հունվար-մարտ ամիսներին, նախորդ տարվա նույն ամիսների համեմատ, ներմուծման ծավալը նվազել է 8,7%-ով։
Անժելա Պողոսյան
