14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ՌԴ-ից Ալիևին պատասխանել են՝ ԼՂ-ում «Իսկանդեր» չի կիրառվել
Քաղաքականություն
20.04.2021 | 21:01
Ադրբեջանի նախագահ Իլհամ Ալիևը հայտարարել է, որ Բաքուն Մոսկվայից ստացել է Արցախում «Իսկանդեր»-ների կիրառման մասին նամակի պատասխանը։
«ՌԴ Պաշտպանության նախարարությունն ադրբեջանական կողմին ուղղված նամակում հայտարարել է, որ Ղարաբաղում «Իսկանդեր»-ի հրթիռների արձակում չի ֆիքսել»,- ասել է Ալիևը AzTV-ի հետ հարցազրույցում։
Նա նաև նշել է, որ Ադրբեջանի նամակում գլխավոր հարցն այն է, թե «Իսկանդեր-Մ» համակարգերն ինչպես են, իբր, հայտնվել Հայաստանի ձեռքում։
«Վերջիվերջո՝ դա անհնար է։ Դա կարելի է անել երկու եղանակով՝ կա՛մ մաքսանենգությամբ, կա՛մ միջազգային նորմերի խախտմամբ։ Հայկական բանակը կարող է ունենալ միայն «Իսկանդեր Է»»,- ասել է Ալիևը՝ նշելով, որ Բաքուն գիտի, թե «երբ և ինչու են այդ հրթիռները արձակվել»։
Էմմա Չոբանյան
