13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Քաղաքական խորհրդատվություններ՝ ՀՀ և Ղազախստանի ԱԳ նախարարությունների միջև
Քաղաքականություն
20.04.2021 | 19:42
Ապրիլի 20-ին Հայաստանի Հանրապետության և Ղազախստանի Հանրապետության արտաքին գործերի նախարարների տեղակալներ Արմեն Ղևոնդյանի և Մարատ Սիզդիկովի միջև անցկացվել են քաղաքական խորհրդատվություններ, տեղեկացնում է ԱԳՆ լրատվական ծառայությունը:
Տեսակապի ընթացքում մանրամասն քննարկվել են երկկողմ հարաբերություններին, այդ թվում՝ քաղաքական, առևտրատնտեսական, մշակութային և հումանիտար ոլորտներին առնչվող արդիական հարցեր: Կողմերը պատրաստակամություն են հայտնել համակարգել ջանքերը միջպետական փոխգործակցության իրավապայմանագրային դաշտի հետագա ընդլայնման ուղղությամբ:
Նախարարների տեղակալները հանգամանալից կերպով մտքեր են փոխանակել ՀԱՊԿ, ԵԱՏՄ և ԱՊՀ շրջանակներում դիտարկվող բազմաթիվ հարցերի շուրջ: Երկուստեք ընդգծվել է նշված կառույցների արդյունավետության բարձրացմանը նպաստելու պատրաստակամությունը:
Խորհրդատվությունները հաստատեցին սերտ երկխոսությունը շարունակելու փոխադարձ շահագրգռվածությունը:
