19.05.2026 | 22:12
Երևանի 15 հասցեում խուզարկություններ են իրականացվել, հայտնաբերվել են թմրամիջոցներ և զենք. կան ձերբակալվածներ. ՆԳՆ
ՌԴ-ն քաղաքացիական ավիացիայի համար վտանգավոր գոտի է հայտարարել Սև ծովի և Ղրիմի երկինքը
Քաղաքականություն
20.04.2021 | 21:23
Ռուսաստանը հայտարարել է Սև ծովի և Ղրիմի երկնքում քաղաքացիական ավիացիայի թռիչքների համար վտանգավոր գոտի սահմանելու մասին։ Այս մասին ասված է թռիչքների անցկացման և ապահովման կանոնների փոփոխության գործառնական տեղեկատվության մեջ (NOTAM), գրում է ՏԱՍՍ-ը:
Ընդհանուր առմամբ, ՌԴ-ն 3 NOTAM է հրապարակել։ Դրանք աննշան փոփոխությամբ կգործեն մինչև ապրիլի 24-ը։ Ամբողջությամբ փակվել են Սև ծովի ջրային տարածքում դեպի Սիմֆերոպոլ մի շարք օդային երթուղիներ։
Երեքշաբթի Սևծովյան նավատորմի մամուլի ծառայությունից հայտնել են, որ նավատորմի ուժերի վերահսկողական ստուգման շրջանակներում անցկացվել են վարժանքներ, որոնցում ներգրավված են եղել ավելի քան 20 նավ և Հարավային ռազմական օկրուգի ռազմաօդային ուժերի և հակաօդային պաշտպանության գրոհային ինքնաթիռների երեք էսկադրիլ:
Տաթև Ֆռանգյան
