01.04.2026 | 10:57
Փաշինյանը շնորհավորական ուղերձ է հղել Հայաստանի ասորական համայնքին՝ Հաբ-Նիսանի առիթով
ՌԴ ԱԽ քարտուղարը Բայդենի օգնականի հետ քննարկել է «Բաց երկնքի մասին» պայմանագրի հետ կապված հարցեր
Քաղաքականություն
19.04.2021 | 22:25
Ռուսաստանի Անվտանգության խորհրդի քարտուղար Նիկոլայ Պատրուշևը և ԱՄՆ նախագահի օգնական Ջեյքոբ Սալիվանը քննարկել են «Բաց երկնքի մասին» պայմանագրին Ռուսաստանի Դաշնության և Միացյալ Նահանգների մասնակցության հետ կապված խնդիրները, հայտնում է ՌԻԱ Նովոստին:
Նշվում է, որ հեռախոսազրույցը տեղի է ունեցել ապրիլի 19-ին, ամերիկյան կողմի նախաձեռնությամբ:
«Ընդգծվել է ռազմավարական կայունության երկկողմ մեխանիզմի շուտափույթ գործարկման կարևորությունը, Կորեական թերակղզու միջուկային խնդրի շուրջ Ռուսաստանի և ԱՄՆ-ի փոխգործակցության անհրաժեշտությունը, Իրանի միջուկային ծրագրի շուրջ ստեղծված իրավիճակը։ Շոշափվել են նաև հարցեր՝ կապված «Բաց երկնքի մասին» պայմանագրին երկու երկրների մասնակցության հետ»,- ասվում է հայտարարության մեջ:
Ալեքսեյ Նավալնիի ճակատագիրը երկուշաբթի օրը Ռուսաստանի անվտանգության խորհրդի քարտուղար Նիկոլայ Պատրուշևի և ԱՄՆ ազգային անվտանգության օգնական Ջեյքոբ Սալիվանի հեռախոսազրույցի օրակարգի մի մասն էր: Այդ մասին հայտարարել է Սպիտակ տան խոսնակ Ջեն Փսակին:
