08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Այսօր ԵԽԽՎ-ում կքննարկվի հայ ռազմագերիների հարցը
Քաղաքականություն
19.04.2021 | 11:19
Այսօր Ստրասբուրգում մեկնարկում է Եվրոպայի խորհրդի Խորհրդարանական վեհաժողովի (ԵԽԽՎ) գարնանային նստաշրջանը, որի ժամանակ կքննարկվի Ադրբեջանում հայ ռազմագերիների հարցը։ Տեղեկացվում է, որ նստաշրջանը կանցկացվի հիբրիդային ձևաչափով ՝ սահմանափակ խորհրդարանականների ներկայությամբ ՝ կորոնավիրուսի սահմանափակումների պատճառով: Այս մասին ասված է կազմակերպության պաշտոնական կայքէջում։
Բացի հայ ռազմագերիների հարցից քննարկվելու է նաև «Ալեքսեյ Նավալնիի ձերբակալումն ու կալանավորումը 2021 թ հունվարին» ու «Թուրքիայում ժողովրդավարական ինստիտուտների աշխատանքը» հարցերը։ Քննարկվելու է նաև «քովիդ-անձնագրերի ու պատվաստման հավաստագրերի», «ինչպես պաշտպանել հանրային առողջությունն ու մարդու իրավունքները», «Եվրոպայի խաղաղ ձգտումներին ռուսական սպառնալիքներին» առնչվող հարցերը։
Խորհրդարանականների կողմից քվեարկությունից հետո, քննարկումները կկայանան հինգշաբթի և պետք է ավարտվեն համապատասխան բանաձևի ընդունմամբ։
Տեղեկացվում է նաև, որ ԵԽԽՎ-ում Գերմանիայի նախագահության կապակցությամբ խորհրդարանականներին ելույթով կդիմի Գերմանիայի կանցլեր Անգելա Մերկելը և Եվրոպայի պետնախարար Մայքլ Ռոթը: Ելույթ կունենան նաև Եվրախորհրդարանի նախագահ Դեյվիդ Սասոլին, Մոլդովայի Հանրապետության նախագահ Մայա Սանդուն և կազմակերպության գլխավոր քարտուղար Մարիա Պեյչինովիչ Բուրիչը ։
Տաթև Ֆռանգյան
