30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Օնիկ Գասպարյանը չգիտի, որ այդ հանձնաժողովը Անդրանիկ Քոչարյանն է ղեկավարելու. Էդմոն Մարուքյան. ՏԵՍԱՆՅՈՒԹ
Քաղաքականություն
16.04.2021 | 16:43
Օնիկ Գասպարյանի հայտարարությունն ուշացած է, որովհետև նոյեմբերի 9-ի փաստաթղթից անմիջապես հետո «Լուսավոր Հայաստանը» սկսել է լոբբինգ անել՝ փաստահավաք պարիտետային հանձնաժողով ստեղծելու գաղափարը։ Լրագրողների հետ ճեպազրույցի ժամանակ այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Ինչո՞ւ ենք առաջարկել պարիտետային հանձնաժողով ստեղծել, որովհետև միայն խորհրդարանի երեք խմբակցությունների ներկայացուցիչները չեն լինի, կներառվեն նաև մասնագետներ և ներկայացուցիչներ։ Չենք նախաձեռնել քննիչ հանձնաժողով, որովհետև ապրիլյան պատերազմի քննիչ հանձնաժողովի փորձն ունենք և եթե հանձնաժողով ստեղծվի, ապա այն ղեկավարելու է Անդրանիկ Քոչարյանը։ Եթե Օնիկ Գասպարյանը վստահում է Անդրանիկ Քոչարյանին և այս իշխանություններին, ուրեմն թող ստեղծեն այդ հանձնաժողովը։ Ուղղակի զարմանում եմ, որ նման բան է հայտարարել»,- ասաց պատգամավորը։
Էդմոն Մարուքյանը կարծում է, որ Օնիկ Գասպարյանը պարզապես տեղյակ չէ, որ ԱԺ կանոնակարգ օրենքով քննիչ հանձնաժողովը ստեղծվում է պաշտպանության գործող հանձնաժողովի հենքի հիման վրա. «Կարծում եմ՝ Օնիկ Գասպարյանն էլ այս իշխանություններին չի վստահում, որովհետև հայտարարել է, որ խեղաթյուրել են ԱԽ նիստի արձանագրությունները։ Մի իշխանություն, որն ըստ գեներալի՝ խեղաթյուրում է ԱԽ նիստի արձանագրությունը, այդ իշխանությունից ո՞նց է պահանջում ստեղծել քննիչ հանձնաժողով։ Լուծումը պարիտետային հանձնաժողովն է, որը չի ղեկավարելու Անդրանիկ Քոչարյանը և որը կունենա բալանս։ Քննիչ հանձնաժողովում այդ բալանսը չկա, մենք ինչքան էլ դեմ քվեարկենք, մեծամասնությունն իրենք են»,-նշեց Մարուքյանը։
Մանրամասները՝ տեսանյութում:
