18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Մոսկվան ու Բաքուն քննարկում են Ադրբեջանում ռուսական պատվաստանյութերի արտադրության հարցը․ Մատվիենկո
Քաղաքականություն
16.04.2021 | 16:06
Ռուսական «Սպուտնիկ V» պատվաստանյութի ավելի քան 100․000 չափաբաժին է մատակարարվելու Բաքու: Բացի այդ, քննարկվում է Ադրբեջանում ռուսական պատվաստանյութի արտադրության հարցը։ Այս մասին հայտարարել է ՌԴ դաշնային խորհրդի նախագահ Վալենտինա Մատվիենկոն Ադրբեջանի Միլի Մեջլիսի խոսնակ Սահիբա Գաֆարովայի հետ հանդիպման ժամանակ։ Փոխանցում է ՏԱՍՍ գործակալությունը։
«Գիտեմ, որ կա պայմանավորվածություն ապրիլ-մայիս ամիսներին «Սպուտնիկ V» պատվաստանյութի 100․000 չափաբաժնի մատակարարման, քանի որ լավ ենք հասկանում, որ միակ միջոցը համավարակն իսկապես կանգնեցնելու՝ զանգվածային պատվաստումն է»,- ասել Մատվիենկոն՝ նշելով, որ քննարկվում է նաև Ադրբեջանում պատվաստանյութի արտադրման հարցը։
«Պատրաստ ենք ոչ միայն պատվաստանյութեր մատակարարել, այլև քննարկվում է, ինչքան գիտեմ, Ադրբեջանում դրանց արտադրության հարցը, որը հնարավորություն կտա արագացնել մասսայական պատվաստումները, և հնարավոր է պատվաստանյութ արտահանել այլ երկրներ»,- ասել է Վալետինա Մատվիենկոն։
Դաշնային խորհրդի նախագահը նաև նշել է, որ Ռուսաստանը բաց է համագործակցության համար, կոմերցիոն նպատակներ չեն հետապնդում, այլ ցանկանում են իրենց մեծ ներդրումն ունենալ մոլորակում համավարակի դեմ պայքարում։
Էմմա Չոբանյան
