30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
ԱՄՆ-ը ՌԴ-ի դեմ պատժամիջոցներ է կիրառել. այն կանդրադառնա նաև ՌԴ պետական պարտքի վրա
Քաղաքականություն
15.04.2021 | 17:05
ԱՄՆ նախագահ Ջո Բայդենը նոր հակառուսական պատժամիջոցներ կիրառելու մասին հրաման է ստորագրել։ Այս մասին հայտնում են Սպիտակ տան մամլո ծառայությունից։
Սահմանափակող միջոցառումները, մասնավորապես, կանդրադառնան Ռուսաստանի պետական պարտքի վրա: Նաև պատժամիջոցներ են սահմանվում 16 կազմակերպությունների և 16 ֆիզիկական անձանց նկատմամբ: Բացի այդ, Վաշինգտոնն արտաքսում է ԱՄՆ-ում ՌԴ դիվանագիտական առաքելության 10 աշխատակցի:
Ինչպես նշված է Սպիտակ տան տարածած մամլո հայտարարության մեջ, ամերիկյան ընկերություններին հունիսի 14-ից հետո արգելվում է գնել Ռուսաստանի Կենտրոնական բանկի, Ռուսաստանի ազգային բարեկեցության ֆոնդի կամ Ֆինանսների նախարարության կողմից թողարկված պարտատոմսեր:
Նշվում է, որ Վաշինգտոնը, անհրաժեշտության դեպքում, կարող է ընդլայնել Ռուսաստանի Դաշնության պարտքի նկատմամբ պատժամիջոցները:
Տաթև Ֆռանգյան
