26.08.2026 | 10:40
US Open. Ալինա Չառաևան պարտություն կրեց որակավորման փուլում
Ադրբեջանցի պատմաբանը քննադատել է Ալիևին «ավարների պուրակի» բացման համար․ նրան առաջարկել են խեղդվել Կասպից ծովում
Քաղաքականություն
15.04.2021 | 16:02
Ադրբեջանում բացված տխրահռչակ «ավարների պուրակի» բացումը, որը լայն քննադատությունների է արժանացել քաղաքակիրթ աշխարհի կողմից, բուռն ոգեշնչմամբ է ընդունվել ադրբեջանցիների կողմից։
Չնայած՝ ոչ բոլորն են Ադրբեջանում դրական վերաբերվել այս ամենին։ Մասնավորապես ադրբեջանցի հայտնի պատմաբան Ալթայ Գյոյուշովը քննադատել է երկրի իշխանություններին։ Վերջինս Facebook սոցցանցի իր էջում գրել է․
«Երևի ցանկացել են թշնամու գանգերից սար, պատ կառուցել։ Այժմ սպասում եմ, թե երբ են այնտեղ տանելու դեսպաններին և դասախոսություն կարդալու Կովկասում խաղաղություն կառուցելու մասին»։
Այս հրապարակումից հետո ադրբեջանցի որոշ լրագրողներ, բլոգերներ ու ագրեսիվ տրամադրված ադրբեջանցիներ սուր քննադատության են ենթարկել Գյոյուշովին՝ նրան առաջարկելով խեղդվել Կասպից ծովում։
«Պատերազմի ավարների պարկը ցցի է ինչպես ներքին, այնպես էլ արտաքին թշնամիների աչքին: Հաղթողներին չեն դատում: Եթե ինչ-որ մեկն իրեն վատ է զգում, խեղդվեք Կասպից ծովում»,- գրել է օգտատերերից մեկը:
Տաթև Ֆռանգյան
