17.09.2026 | 10:15
Դատախազության միջնորդությամբ Վանաձոր համայնքին է վերադարձվել Հրանտ Մաթևոսյանի անվան այգու ևս մեկ հողատարածք
Հայաստանն Իրանում առևտրային կցորդ կունենա
Քաղաքականություն
14.04.2021 | 23:14
Իրանի Իսլամական Հանրապետությունում կստեղծվի Հայաստանի Հանրապետության առևտրական կցորդի հաստիք: ՀՀ Կառավարությունը համապատասխան որոշումը կհաստատի վաղը:
Կառավարության նախագծում նշված է՝ Իրանում առևտրային կցորդ ունենալու անհրաժեշտությունը պայմանավորված է երկու երկրների միջև պետական և մասնավոր կազամկերպությունների համագործակցությունն առավել արդյունավետ դարձնելու համար:
Նշվում է, որ այսպիսով առավել արդյունավետ կդառնա թուրքական ապրանքներից իրանական ապրաքների անցնելու գործընթացը: Առևտրային կցորդի պարտականությունների թվում է նաև հայկական արտադրանքը հարևան երկրում գրավիչ դարձնելը:
ՀՀ վիճակագրական կոմիտեի տվյալների համաձայն` Հայաստանի Հանրապետության առևտրաշրջանառությունն Իրանի Իսլամական Հանրապետության հետ 2020 թվականին կազմել է 400,2 մլն դոլար, այդ թվում՝ արտահանումը Հայաստանից Իրան կազմել է 84,8 մլն դոլար, իսկ Իրանից Հայաստան ներմուծումը, ըստ ծագման երկրի հատկանիշի, կազմել է 315,4 մլն դոլար։ Այս տեղեկությունը նշված է Կառավարության որոշման նախագծում, որը մշակվել է Էկոնոմիկայի նախարարությունում:
Նարեկ Կիրակոսյան
