11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Պատերազմի ավարտից հետո ադրբեջանցի զինվորների մոտ հոգեկան խանգարումներ են առաջացել
Քաղաքականություն
14.04.2021 | 19:34
Պատերազմական գործողությունների ավարտից հետո ադրբեջանցի զինծառայողների շրջանում ինքնասպանության դեպքերը շարունակվում են ավելանալ։ Բացի այդ, շատերի մոտ էլ հոգեկան խանգարումներ են առաջացել։
Մասնավորապես, մի քանի օր է սոցիալական ցանցերի ադրբեջանական տիրույթում ակտիվորեն տարածվում է մի տեսանյութ, որում ասվում է, որ պատերազմի մասնակից Շամխար Տանրիվերդին՝ Աղդաշի շրջանի Օվջուլու գյուղից, գտնվում է հոգեկան ծանր վիճակում։ Պատերազմում վիրավորվելուց հետո նա հետտրավմատիկ շոկ է ապրում։ Երիտասարդին բուժում չի առաջարկվել, որն էլ բերել է նման ծանր հետևանքների։ Հարազատներն էլ հնարավորություն չունեն դեղեր գնելու, տեղի իշխանություններն էլ հրաժարվում են օգնել։
Նշենք, որ սա նման առաջին դեպքը չէ։ Պարբերաբար են հրապակումներ հայտնվում այն մասին, որ Արցախյան պատերազմին մասնակից ադրբեջանցի զինվորները պետության կողմից որևէ օգնություն չեն ստանում։
Բացի այդ, պատերազմի մասնակիցների շրջանում ինքնասպանությունների դեպքեր են գրանցվում։ Վերջին նման դեպքերից մեկը տեղի է ունեցել ապրիլի 10-ին։ Ըստ որոշ լրատվամիջոցների տեղեկատվության՝ Իմիշլիի շրջանի բնակիչ, Արցախյան պատերազմի մասնակից 1995 թ-ին ծնված Իմդադ Քահրամանովն է ինքնասպանության գործել։ Պատճառների մասին ոչինչ չի նշվում։
Ի դեպ, ադրբեջանցի զինվորների ինքնասպանությունների՝ ավելի վաղ տեղի ունեցած դեպքերին անդրադարձ կատարել ենք։
Էմմա Չոբանյան
