24.04.2026 | 23:32
Կապանում ջրանջատում կլինի
Բոլորը հայտնվել են խորհրդարանում նույն կերպ, ինչպես որ ես, ամեն մեկը թող պատասխան տա իր հետագծի մասին. ՏԵՍԱՆՅՈՒԹ
Քաղաքականություն
14.04.2021 | 15:12
«Ես արել եմ այն, ինչ արել եմ, բայց հիմա գտնվում եմ ԱԺ-ում որպես անկախ պատգամավոր և ուզում եմ խմբակցությունից իմ դուրս գալու հարցը մեկընդմիշտ փակվի և այլևս չշահարկվի:
Ես խորհրդարան եկել եմ «Իմ քայլը»-ի ընտրացուցակով և ուզում եմ մի բան ասել․ առաջին ընտրական ցուցակում ներկայացված են եղել մի խումբ թեկնածուներ, որոնցից մեկը ես եմ և ի տարբերություն ինձ, ով կուսակցական երբևէ չի եղել, ես այդ նույն ընտրատարածքում ավելի շատ ձայն եմ հավաքել, քան հնաբնակները»,- այս մասին ԱԺ-ում լրագրողների հետ զրույցում ասաց Գոռ Գևորգյանը:
Պատգամավորը նաև ընդգծեց, թե չի հասկանում, թե ինչու են այդ հարցի շրջանակներում այդքան լայն քննարկումներ ծավալվում:
«Մենք ապրում ենք ժողովրդավարական երկրում, որտեղ կա հանդուրժողականություն, հարգանք, և ուզում եմ հասկանալ մի՞թե իմ խմբակցությունից դուրս գալը, կամ մյուս պատգամավորների՝ խմբակցությունից դուրս գալն ամենամեծ բեռն է և ծանրագույն ողբերգությունը, որի շուրջ այսքան քննարկումներ են ծավալվում»,- նշեց նա:
«Բոլորը հայտնվել են խորհրդարանում նույն կերպ, ինչպես որ ես, ամեն մեկը թող պատասխան տա իր հետագծի մասին»,-նշեց պատգամավորը:
Գոռ Գևորգյանն անդրադարձավ հանգամանքին, ԱԺ պատգամավորները հոտնկայս ծափահարեցին Նիկոլ Փաշինյանին վերջինիս ելույթի ժամանակ։ Պատգամավորն ընդգծեց՝ հոտնկայս ծափահարությունները նման իրավիճակում առնվազն անընդունելի են:
Մանրամասները՝ տեսանյութում:
