09.06.2026 | 00:17
Մարկո Ռուբիոն շնորհավորել է Փաշինյանին
Փաշինյանը հերքում է Օնիկ Գասպարյանի ասածը, մանրամասնում է հոկտեմբերի 19-ի բանակցությունները․ Լուրեր
Քաղաքականություն
14.04.2021 | 12:12
ՀՀ վարչապետ Նիկոլ Փաշինյանը խորհրդարանում այսօր ասել է, որ Զինված ուժերի Գլխավոր շտաբի պետ Օնիկ Գասպարյանը 2020թ. սեպտեմբերի 30-ի Անվտանգության խորհրդի նիստի ընթացքում չի ասել, որ անհրաժեշտ է միջոցներ ձեռնարկել 2-3 օրվա ընթացքում պատերազմը կանգնեցնելու ուղղությամբ: Ըստ Փաշինյանի՝ Գասպարյանն այդ օրը ասել է, որ հակառակորդը ոչ մի առաջխաղացում չի ունեցել։
Փաշինյանն ասել է, որ Գասպարյանը օգոստոսի 21-ին ԱԽ նիստում ունեցած զեկույցում հավաստիացրել է, որ Զինված ուժերը կարող է ձախողել հակառակորդի հարձակումն ու ջախջախել նրա խմբավորումները։
—
Փաշինյանը նաև ասել է, որ հոկտեմբերի 19-ին ինքը Ռուսաստանի նախագահի հետ խոսելիս առաջարկել է հրադադար այն պայմաններով, որ Հայաստանը հանձնի 5+2 տարածքները, իսկ Հադրութը վերադարձվի հայկական կողմին։ Դրան զուգահեռ, ըստ Փաշինյանի, իր առաջարկի համաձայն ադրբեջանցիների Շուշի վերադարձը պետք է կապվեր Արցախի կարգավիճակի հարցի հետ։ Սրան, ըստ Փաշինյանի, ադրբեջանական կողմը չի համաձայնել։
—
ԵԱՀԿ Մինսկի խմբի համանախագահները ԼՂ հակամարտության կողմերին կոչ են արել իրենց հովանու ներքո որքան հնարավոր է շուտ վերսկսել բարձր մակարդակի քաղաքական երկխոսությունը, ասվում է միջնորդների համատեղ հայտարարության մեջ:
