Խծաբերդում ու Հին Թաղերում գերեվարված շիրակցիների հարազատները փակել են մարզպետարանի մուտքը։ Նրանք իրենց որդիների վերադարձի մասին հստակ տեղեկություններ են ուզում իմանալ։
Բացի այդ, նրանք հանդիպում են պահանջում վարչապետ Նիկոլ Փաշինյանի ու պաշտպանության նախարար Վաղարշակ Հարությունյանի հետ։
Ի դեպ, այսօր առավոտյան հարազատների հետ հանդիպել էր ՄԻՊ Արման Թաթոյանը։
Նշենք, որ գերիների հարազատները գրեթե ամեն օր մարզպետարանում տարբեր հանդիպումներ են ունենում այդ հարցով։ Օրերս էլ իրենց զավակներին վերադարձնելու պահանջով հարազատները փակել էին Շիրակի մարզի ճանապարհները։
Հիշեցնենք, որ Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ դարձյալ Գյումրիից։ Մնացյալ 54 գերիները շարունակում են մնալ Ադրբեջանում։
Էմմա Չոբանյան
Արխիվային լուսանկար
