18.12.2025 | 19:51
Օպերատիվ տեղեկություններ ունենք. ոստիկանապետը` մեծաթիվ ոստիկանների ներկայության մասին. ՏԵՍԱՆՅՈՒԹ
Իլհամ Ալիևը Մինսկի խմբին կոչ է արել տարածաշրջանում խաղաղության հաստատման առաջարկներ ներկայացնել
Քաղաքականություն
13.04.2021 | 15:35
Բաքուն ակնկալում է, որ ԵԱՀԿ Մինսկի խումբը կներկայացնի տարածաշրջանում խաղաղության հաստատման իր առաջարկները։ Ինչպես հաղորդում են ադրբեջանական լրատվամիջոցները այս մասին ասել է երկրի նախագահ Իլհամ Ալիևը ADA համալսարանում կայացած «Նոր հայացք Հարավային Կովկասին․ հետկոնֆլիկտային զարգացում ու համագործակցության» կոնֆերանսի ժամանակ։
«Ես կարծում եմ՝ կան ոլորտներ, որում նրանք՝ Մինսկի խումբը, կարող են իրենց դերակատարումն ունենալ, նրանում՝ ինչը վերաբերում է հետկոնֆլիկտային իրավիճակին։ Ոչ որպես խումբ, որն օգնում է լուծել հակամարտությունը, այն արդեն լուծված է։ Ես խոսում եմ Հայաստանի հետ խաղաղության համաձայնագրի մասին, եթե Հայաստանը դա դիտարկի, ապա միջազգային խաղացողների համար գործունեության շատ ոլորտներ են ի հայտ գալիս, ինչը վերաբերում է՝ դեմարկացիային, դելիմիտացիային, փոխգործակցությանը։ Հուսով եմ, նրանք շուտով կգան մեզ մոտ առաջարկներով, և մենք շատ ուշադիր կուսումնասիրենք այդ առաջարկները»,- ասել է Ադրբեջանի նախագահը։
Էմմա Չոբանյան
