17.09.2026 | 11:43
Ալեն Սիմոնյանն ու Իտալիայի ԱԳ նախարարի տեղակալը քննարկել են տնտեսական համագործակցության ակտիվացումը
Սերժ Սարգսյանի գրասենյակի պատասխանը Ալիևին․ ՄԻՊ-ի հանդիպումը գերիների հարազատների հետ․ Լուրեր
Քաղաքականություն
13.04.2021 | 15:24
ՀՀ ԱԳՆ-ն հայտարարություն է տարածել Բաքվում Արցախյան պատերազմին նվիրված «պուրակի» բացման վերաբերյալ: Նշվում է, որ նման «ցուցադրության» կազմակերպմամբ Ադրբեջանը վերջնականապես ամրագրում է իր դիրքը որպես անհանդուրժողականության և այլատյացության համաշխարհային կենտրոն:
—
Առավոտյան մարդու իրավունքների պաշտպան Արման Թաթոյանը Գյումրիում հանդիպումներ է ունեցել Շիրակից այն զինծառայողների ընտանիքների հետ, որոնք Ադրբեջանում գերության մեջ են պահվում մարդու իրավունքների միջազգային պահանջների կոպիտ խախտմամբ: Քննարկվել են թե´ գերեվարված զինծառայողների, թե´ նրանց ընտանիքների անդամների իրավունքների պաշտպանության հարցեր
—
ՀՀ 3-րդ նախագահ Սերժ Սարգսյանի գրասենյակը պատասխանել է Ադրբեջանի նախագահ Իլհամ Ալիևի այն հայտարարությանը, թե Սերժ Սարգսյանը 2016-ի ապրիլյան պատերազմից հետո խոստացել է վերադարձնել տարածքներ: Արձագանքում նշվում է, որ Իլհամ կեղծարարը պետք է կողմնորոշվի՝ վերջապես իր ո՞ր սուտն է ավելի «ճիշտ»
