19.02.2026 | 14:56
Նախագահ Վահագն Խաչատուրյանը Հունաստանում այցելել է Բյուզանդական և քրիստոնեական մշակույթի թանգարան
1992-ին ոնց ազատագրել ենք Շուշին, նույն ձևով էլ հակառակորդը հետ ա գրավել. Սամվել Բաբայան. ՏԵՍԱՆՅՈՒԹ
12.04.2021 | 15:47
«Ճշմարտությունն այն է, որ ՄՈԲ են հավաքում, տանում են առաջնագիծ, այնինչ ամեն տարի ՄՈԲ-ը, որ հավաքում են, պետք է այդ մարդկանց տանեին, ասեին, թե որ հրամանատարի մոտ է լինելու, ոնց է լինելու ծառայությունը։ Երկրորդը, այդ զինվորի նկատմամբ փախչելու համար մինչև քրեական գործ հարուցելը, ինքն իր ծառայության ժամանակ քանի անգամ է եղել կրակայինում: Ես դրան դեմ եմ եղել: Ես դեռ պատերազմից 15 օր առաջ ներկայացրել եմ, որ ՄՈԲ-ը պետք է առանձին միավոր դառնա, ոչ թե համալրի։ Համոզվեցինք, որ համալրելը սխալ է, որովհետև համալրման ժամանակ զորամասի սպաները պատրաստ չեն միանգամից այդքան կոնտիգենտ ընդունելու և կառավարելու: Դա բերեց այս իրավիճակին»,- այս մասին այսօր՝ ապրիլի 12-ին, լրագրողների հետ զրույցում հայտարարեց Արցախ Անվտանգության խորհրդի նախկին քարտուղար Սամվել Բաբայանը։
Նա նկատեց, որ շատերը նշում են, որ թուրք չեն տեսել, հեռվից աշխատել է հրետանին և գործել են ԱԹՍ-ները. «Ես դետ 2013 թվականից ասում եմ, որ սա է լինելու մեր վիճակը, եթե այսպես շարունակվի: Ասին՝ չէ, մենք դուխով ենք, օդում հրթիռ ենք բռնում։ Դե լավ, ասի՝ բռնեք տեսնենք»:
Բաբայանի խոսքով՝ բանակի գեներալները հարցազրույցներ են տալիս, մեղադրանքներ են հնչեցնում. «Բա ձեզ մոտ հարց չի առաջանո՞ւմ, բա ո՞վ պետք է ղեկավարեր բանակը, իրենք են, չէ՞, այս վերջին 20 տարին ղեկավարում: Այդ մարդկանց հետախուզության, հակահետախուզության պետերը զեկույցներ են ներկայացրել հակառակորդի ինչով է զինվում, ինչ է ավելացրել: Երբ այդ զեկուցագիրները ներկայացվել են, դուք որոշումներ կայացրե՞լ եք: Նախարար, Գլխավոր շտաբ, դուք ի՞նչ որոշումներ եք կայացրել:
Շտաբի պետը, որ ասում է՝ երեք օրից հետո ես հասկացա՝ մենք պատրաստ չենք։ Ես առաջարկում եմ ինքը գրավոր ձևով ներկայացնի, թե ինչն է իրեն բերել այն բանին, որ բանակը պատրաստ չէ: Այսինքն՝ երբ այս փաստաթղթերն իրար կողք ես հավաքում, պարզ է դառնում մեղավորների ցանկը: Դա 1-ը, 2-ը, 10-ը չեն, դա լուրջ ցանկ է»,- ասաց Բաբայանը՝ հավելելով, որ դրա համար էլ իրենք հիմա բարձրագոչ գոռում են՝ գողին բռնեք, ավազակին բռնեք, որ իրենք փրկվեն:
Ինչ վերաբերում է իրեն ուղղված մեղադրանքներին, թե ինքը Լելե Թեփեի բարձունքի գրավման օպերացիան ձախողել է, Սամվել Բաբայնն ասաց. «Դա գտնվում է վարույթում, կքննեն, այդ արտահայտվողներին էլ կբերեն պատասխան թող տա»: Նա նաև հավելեց, որ հայց է ներկայացրել և թույլ չի տա, որ որևէ մեկը բաներ հայտարարի ու պատասխան չտա:
«Բոլորն այն հարցն են տալիս, թե Շուշին ո՞նց հանձնեցինք, ո՞նց ստացվեց: Երբ դուք՝ բոլորդ, անկեղծանանք ու խոստովանեք, թե 1992 թվականին Շուշին ոնց եք ազատագրել, հենց մի անգամ ճիշտը պատմեք, կիմանաք, որ նույն ձևով էլ հակառակորդը հետ է վերցրել:
«Ես նախաձեռնել եմ Շուշին փրկելու օպերացիա, որից գիշերվա երկուսին զորամասերը հրաժարվել են: «44 օրում մի օպերացիա չեք մշակել, որ հակառակորդին հակադրեք, ձեր կամքը թելադրեք:
Իմ առաջարկներին չեն ասել, որ համաձայն չեն, բայց չեն էլ կատարել: Որ ասում են՝ այս հրամանատարին եկել են, այսպես են ասել, սուտ է, Ջալալ Հարությունյանն է արգելել բոլորին շտաբ մտնել, ինքն էր հրամանատարը, ինքն էր որոշում…
Ասում են՝ եթե այս հերոսը մասնակցեր, այսպես չէր լինի, եթե մյուսը մասնակցեր, այսպես չէր լինի, ժողովուրդ, բոլորն էլ ինչ-որ չափով մասնակցել են, մի մասը Արցախի նախագահի միջոցով, մյուս մասը՝ Ջալալի: Հայաստանից Արցախ որևէ հրաման չի եղել, շտաբը Ջալալ Հարությունյանն էր գլխավորում»,- ասաց Սամվել Բաբայանը:
