11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Ադրբեջանական SOCAR-ը չի կարողացել արգելափակել Մալթայի կառավարության հետ կնքված գաղտնի գործարքի հետաքննությունը
Քաղաքականություն
09.04.2021 | 22:37
Շվեյցարիայի դաշնային դատարանը մերժել է ադրբեջանական նավթագազային SOCAR ընկերության փորձերը՝ արգելափակել բանկային տեղեկատվության փոխանցումը լատվիական ոստիկանությանը՝ կապված 2017 թվականին գումարների կասկածելի շարժի հետ, որոնք պայմանավորված են Մալթայի կառավարության ու SOCAR-ի միջև կնքված համաձայնագրով։ Այս մասին գրում է The Shift-ը։
2015թ-ին նախկին նախարար Քոնրադ Միզզին SOCAR-ի հետ «Մատարարումների անվտանգության համաձայնագիր» էր կնքել, որով պարտավորվում էր գնել հեղուկ բնական գազ Electrogas էլեկտրակայանի համար 18 տարի ուռճաչված գներով։
Լրատվամիջոցը գրում է, որ Միզզին անձամբ է ստորագրել համաձայնագիրը՝ հիմնվելով FIAU զեկույցի վրա։ Բացի այդ՝ Մալթայի կառավարությունը մեծ ջանքեր է գործադրել՝ թաքցնելու այս համաձայնագրի գոյությոնը Եվրոպական հանձնաժողովից։ Մինչև օրս համաձայնագիրը չի հանրայնացվել, նույնիսկ պատճենների տրամադրումը խորհրդարանում բազմիցս արգելափակվել է։
Հրապարակման մեջ նշվում է, որ 2020 թվականի հունվարին Լատվիայի ոստիկանությունը նամակ է ուղարկել Ժնևի դատական մարմիններին՝ խնդրանքով տեղեկություն տրամադրել Դուբայում գտնվող SOCAR կազմակերպության բանկային գործարքների մասին։
Լատվիայի իշխանությունների կողմից իրականացվող հետաքննությունը վերաբերում է փողերի լվացմանը, որը կապված է Մալթայի ու SOCAR-ի միջև 2015 թվականին կնքված համաձայնագրին, որը հակասում է Մալթայի շահերին։
Հետաքննությունը բնութագրվում է որպես 28 մլն եվրոյի կենտրոնացում Դուբայում գտնվող SOCAR-ի և երկու անհայտ գործընկերների միջև, որոնց մեջ են նաև լատվիական բանկերը, որոնք 2017-2018 թվականներին կապված են եղել այս համաձայնագրի հետ։
Ըստ հրապարակման՝ 2018-ին լատվիական բանկային իշխանությունները փակել են ABLV Bank-ը ԱՄՆ իշխանությունների ճնշմամբ, քանի որ այն «լվացքատան» հետ է կապված։ Պարզ է, որ այս հետաքննությունը կապված է ABLV Bank-ից առգրավված տվյալների հետ։
Լատվիայի ոստիկանության հայցն ուղղված է SOCAR Trading-ի կողմից Ժնևում գտնվող իր բանկի տեղակատվության ու գործարքների մասով հետաքննելու համար, այլ հարցերի հետ մեկտեղ, նաև 28 մլն եվրոյի պատմությանը։
SOCAR-ը մերժել է Լատվիայի իշխանություններին տրամադրել բանկային տվյալները՝ մտավախությամբ, որ «ապագայում Մալթան նրա դեմ դատական գործ կսկսի այդ փաստերով», և «Լատվիան, եթե պահանջվի, Մալթայի հետ այդ տեղեկատվությամբ կկիսվի»։ Ադրբեջանական նավթագազային ընկերությունը նշել է, որ փաստերը չեն ենթադրում Մալթայում փողերի լվացում, և տվյալների հետագա փոխանակումը խախտում է Եվրոպական կոնվենցիան։
Այնուամենայնիվ, շվեյցարական դատարանը մերժել է SOCAR-ի հայցը, և ընկերությունը Կոնվենցիայի խախտման ապացույցներ չի ներկայացրել։ Ադրբեջանական ընկերությունը նաև փորձել է սահմանափակել Լատվիային բանկային տեղակատվության փոխանցումը։ Այդ հայցը ևս մերժվել է շվեյցարական դատարանի կողմից՝ նշելով, որ ոչինչ չի կարող սահմանափակել լատվիական իշխանություններին՝ հետաքննել գործին առնչվող բոլոր փաստերը։
Էմմա Չոբանյան
