18.11.2024 | 15:27
Ադրբեջանցի պաշտոնյան հայտարարել է, թե «ՀՀ-ի ռազմականացումը հարկադրել է Բաքվին ավելացնել պաշտպանական ծախսերը»
Հայաստանը դասվել է բանտարկյալների ցածր թիվ ունեցող երկրների շարքում․ SPACE
Քաղաքականություն
08.04.2021 | 17:29
Ըստ Եվրոպայի խորհրդի ամենամյա քրեական վիճակագրության (SPACE) զեկույցի՝ Հայաստանը դասվել է բանտարկյալների ցածր թիվ ունեցող երկրների շարքում։
Այսպես՝ նշվում է, որ Հայաստանում 100 000 մարդու հաշվով կա 75 բանտարկյալ, ինչը զգալիորեն ցածր է եվրոպական միջինից՝ 103.2:
Համաձայն զեկույցի՝ 2020 թվականի հունվարի 1-ի դրությամբ 2,959,694 բնակչի հաշվով Հայաստանում դատապարտյալների ընդհանուր թիվը եղել է 2221 մարդ , որոնց թվում հատուկ կատեգորիայի 8 բանտարկյալ է եղել:
Ընդ որում, բացի այդ, Հայաստանը դասվել է բանտարկյալների թվի ամենամեծ նվազում գրանցած երկրների շարքում։
Զեկույցում անդրադարձ է կատարվել նաև բանտարկված կանանց։ Նշվում է, որ ՀՀ-ում մինչև 3 տարեկան երեխաներին թույլատրվում է գտնվել մոր մոտ, սակայն նշվում է, որ 69 կին բանտարկյալներից և ոչ մեկի հետ չկա մինչև 3 տարեկան երեխա։
Զեկույցում նաև ներկայացված է , որ Հայաստանում 20 և ավելի տարվա ազատազրկման են դատապարտված դատապարտյալների 10,8 տոկոսը, իսկ 1 տարուց պակաս ազատազրկման՝ 0,8 տոկոսը։
Տեղկացվում է նաև, որ ՀՀ-ում կա 155 օտարերկրյա բանտարկյալ, որոնցից 6-ը ԵՄ անդամ երկրների քաղաքացիներ են։
Զեկույցում նաև նշվում է, որ մարդկանց քրեական պատասխանատվության են ենթարկում 14-16 տարեկանից։
2019թ. քրեակատարողական հիմնարկի ընդհանուր բյուջեն կազմել է 16,160,449 եվրո: Մեկ դատապարտյալի միջին օրական ծախսը կազմել է 18.8 եվրո, ինչը զգալի աճ է 2018թ. 13.5 եվրոյի համեմատ, բայց զգալիորեն ցածր է եվրոպական միջինից՝ 64.4 եվրո։
