30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
ԵՄ կարգավորիչ մարմինը թրոմբոզը ճանաչել է որպես AstraZeneca պատվաստանյութի կողմնակի ազդեցություն
Քաղաքականություն
07.04.2021 | 22:14
Դեղերի եվրոպական գործակալությունը (EMA) կարծում է, որ թրոմբեր առաջացնելու հավանականությունը պետք է նշվի AstraZeneca ընկերության կորոնավիրուսի դեմ պատվաստանյութի հազվադեպ հանդիպող կողմնակի ազդեցությունների թվում։ Համապատասխան հայտարարությունը հրապարակվել է կարգավորիչ մարմնի կայքէջում։
Ընդ որում, գործակալությունը շեշտում է, որ պատվաստանյութի կիրառման առավելությունները գերազանցում են ռիսկերը։
«COVID-19-ը կապված է հոպիտալացման ու մահվան ռիսկի հետ։ Թրոմբերի ու թրոմբոցիտների չափազանց ցածր մակարդակը հանդիպում է չափազանց հազվադեպ։ COVID-19-ը կանխելու պատվաստանյութի ընդհանուր առավելությունները գերազանցում են կողմնակի ազդեցությունները»,- նշված է հայտարարության մեջ։
Ավելի վաղ EMA-ն հայտնել էր AstraZeneca ընկերության կորոնավիրուսի դեմ պատվաստանյութով պատվաստվելուց հետո թրոմբերի գոյացման միջև կապի մասին։
Տաթև Ֆռանգյան
