14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ԱԱԾ-ի գործելակերպը չի համապատասխանում ժողովրդավարական պետության վարքագծին․ Արթուր Սաքունց. ՏԵՍԱՆՅՈՒԹ
Քաղաքականություն
07.04.2021 | 15:32
Պետական և ծառայողական գաղտնիքի մասին օրենքը դեռ վաղուց պետք է փոխվեր, սակայն կարևոր է, որ փոփոխություններրի նախագիծը մասնակցային գործընթացով իրականացվի։ Այս մասին «ԱԱԾ-ն առաջարկում է փոխել պետական և ծառայողական գաղտնիքի մասին օրենքը. ի՞նչ նպատակով» թեմայով քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը։
«Դա չի վերաբերում միայն ԱԱԾ-ին, ավելին, իրենց ձևակերպմամբ՝ «գաղտնի տեղեկություն» ասվածը միայն ԱԱԾ-ին չի կարող վերաբերել, որովհետև դա, Կառավարության որոշմամբ, վերաբերում է բոլոր գերատեսչություններին, և ամեն գերատեսչություն ինքն է պատասխանատու, ըստ գործող իրավական կարգավորումների, իր բնագավառում վերաբերող տեղեկությունների մատչելիության սահմանափակումները սահմանելու համար։ Հայտնի էլ չէ՝ այս օրենքի նախագիծը մշակվել է միայն ԱԱԾ-ի կողմից, թե մնացած գերատեսչությունները ինչ-որ դեր ունեցել են»,- ասաց Արթուր Սաքունցը։
Իրավապաշտպանի խոսքով՝ ԱԱԾ-ն օրենսդրական փոփոխությունների նախագիծը պետք է հետ կանչի, քանի որ այսօր գաղտնիության մենաշնորհային իրավունք ունի, ինչը ժողովրդավար երկրին բնորոշ չէ։
«Պետք է լինի անկախ մարմին, որը կվերահսկի գաղտնի տեղեկությունների սահմանափակման օրինաչափության, հիմնավորվածության, համաչափության սահմանափակման խնդիրները»,- նշեց Սաքունցը։
Մանրամասները՝ տեսանյութում։
Նելլի Մելքոնյան
