11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Պեսկովը մանրամասնել է՝ ինչ են քննարկելու Փաշինյանն ու Պուտինը
Քաղաքականություն
07.04.2021 | 15:18
ՌԴ ղեկավար Վլադիմիր Պուտինը ՀՀ վարչապետ Նիկոլ Փաշինյանի հետ կարող է քննարկել երկկողմ օրակարգը, ինտեգրացիոն գործընթացներն ու Ղարաբաղի շուրջ եռակողմ հայտարարության համատեղ իրականացումը, հայտնել է ՌԴ ղեկավարի մամուլի քարտուղար Դմիտրի Պեսկովը, գրում է ՌԻԱ Նովոստիին։
Պատասխանելով հարցին, թե արդյոք Պուտինը ՀՀ վարչապետի հետ հանդիպման նախօրեին ադրբեջանական կողմից ստացել է՝ ՌԴ ներսում կիրառվող, այլ ոչ թե արտահանման համար նախատեսված նշագրումով «Իսկանդեր» համակարգերի հրթիռներ գտնելու վերաբերյալ զեկույց, ասել է․ «Հրթիռի մասին ոչինչ չեմ կարող ասել, չգիտեմ, չունեմ տեղեկություն»։
Անդրադառնալով ՀՀ ղեկավարի հետ քննարկման թեմաներին, Պեսկովը նշել է՝ կլինի երկկողմ օրակարգ։ «Մենք ունենք ակտիվ միջկառավարական հանձնաժողով, Օվերչուկը ՝ փոխվարչապետը, մեր կողմից համանախագահ է: Իհարկե, կքննարկվի նաև ինտեգրման գործընթացները, քանի որ մենք ունենք սերտ տնտեսական համագործակցություն Հայաստանի հետ ինչպես ԱՊՀ շրջանակներում, այնպես էլ ԵվրԱզԷՍ-ի և ՀԱՊԿ-ի շրջանակներում: Եվ, իհարկե, ինչպես են իրականացվում Ղարաբաղի վերաբերյալ համատեղ եռակողմ հայտարարությունները, և թե ինչպես է տարածաշրջանում բարելավվում խաղաղ կյանքը, տրանսպորտային ենթակառուցվածքների զարգացում, ապաշրջափակումը և նմանատիպ այլ հարցեր»,- հայտնել է Պեսկովը։
Տաթև Ֆռանգյան
