09.06.2026 | 09:33
ՀՀ տարածքում ավտոճանապարհներն անցանելի են
Հայաստան ուղարկված մարդասիրական օգնությունն ավելացել է․ առաջատարներն են ԱՄՆ-ն, Իսպանիան և Չինաստանը
Քաղաքականություն
06.04.2021 | 22:38
Այս տարվա հունվար-փետրվար ամիսներին Հայաստանը ստացել է 2 մլն 750.6 հազար դոլարի մարդասիրական օգնություն՝ նախորդ տարվա նույն ամիսների 2 մլն 313.2 հազար դոլարի փոխարեն։ Այս մասին տեղեկանում ենք Պետական վիճակագրական ծառայության հրապարակած տվյալներից։
Այսպիսով՝ այս տարվա հունվար-փետրվար ամիսներին, նախորդ տարվա նույն ամիսների հետ համեմատ, Հայաստան ուղղված մարդասիրական օգնությունն ավելացել է 437,4 հազար դոլարով կամ 19 %-ով։
Ամենաշատը Հայաստան են ուղարկվել մանածագործական իրեր՝ 801.4 հազար դոլարի, այնուհետև տարբեր արդյունաբերական ապրանքներ՝ 553.9 հազար դոլարի, քիմիայի և դրա հետ կապված արդյունաբերության ճյուղերի արտադրանք՝ 511.8 հազար դոլարի, սարքեր և ապարատներ՝ 464.9 հազար դոլարի:
Հայաստանին մարդասիրական օգնություն տրամադրած երկրներից առաջատարներն են Միացյալ Նահանգները, Իսպանիան և Չինաստանը։ ԵՄ երկրներից ստացված մարդասիրական օգնությունը, նախորդ տարվա նույն ամիսների համեմատ, ավելացել է 20,3 %- ով․ մասնավորապես՝ 115,4 անգամ ավելացել է Իսպանիայից ստացված օգնությունը, 34,5 %-ով՝ Ֆրանսիայից ստացվող օգնությունը։ Իսկ Գերմիանիայից, Չեխիայից, Իտալիայից, Շվեյցարիայից, Հնդկաստանից, Ճապոնիայից ստացվող օգնությունը նվազել է։ 94․ 7 %-ով ավելացել է Ամերիկայի Միացյալ Նահանգներից Հայաստանին ուղղված մարդասիրական օգնությունը։
Անժելա Պողոսյան
