07.10.2026 | 23:48
Արթուր Դանիելյանը կալանավորվեց
Քոչարյան-Պուտին հեռախոսազրույց է տեղի ունեցել․ Փաշինյանը նոր նշանակումներ է արել․ Լուրեր
Քաղաքականություն
06.04.2021 | 18:02
Վարչապետ Նիկոլ Փաշինյանի որոշումներով Սուրեն Գրիգորյանը նշանակվել է արդարադատության նախարարի տեղակալ, Քրիստինե Գրիգորյանը՝ արդարադատության նախարարի առաջին տեղակալ, իսկ Արշակ Կարապետյանն ազատվել է վարչապետի խորհրդականի պաշտոնից։
—
Հայրենիքի փրկության շարժում նածաձեռնությունն այսօր հանրահավաք է անցկացրել Սևանում։ Դրա ժամանակ նախաձեռնության վարչապետի թեկնածու Վազգեն Մանուկյանը ասել է, որ արտահերթ ընտրությունները, բացի գլխացավանքից, ոչ մի բան Հայաստանին չեն բերելու։ Նախաձեռնության համակարգող, ՀՅԴ ներկայացուցիչ Իշխան Սաղաթելյանն էլ անդրադարձել է հարցին, որ արդյո՞ք իրենք են դաշինք կազմելու Ռոբերտ Քոչարյանի հետ։ Սաղաթելյանն ասել է, որ մասնակցության ձևի մասին դեռ որոշում չունեն։
—
Ռուսաստանի նախագահ Վլադիմիր Պուտինն անցյալ շաբաթ իսկապես հեռախոսազրույց է ունեցել Հայաստանի նախկին ղեկավար Ռոբերտ Քոչարյանի հետ, նրանք վաղեմի լավ հարաբերություններ ունեն, լրագրողներին ասել է ՌԴ առաջնորդի մամուլի քարտուղար Դմիտրի Պեսկովը։
