14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Շինարարության ծավալներն ավելացել են․ նվազել է օտարերկրյա ներդրումներով կատարվող շինարարությունը
Տնտեսություն
05.04.2021 | 21:56
Հայաստանի Հանրապետությունում այս տարվա փետրվարին կատարվել է 16 միլիարդ 222.3 մլն դրամի շինարարություն։ Պետական վիճակագրական ծառայության հրապարակած տվյալներով՝ նախորդ տարվա նույն ամսվա համեմատ 1․1% աճ է արձանագրվել։
Շինարարության համար, որպես ֆինանսավորման աղբյուր, ամենազգալի ներդրումն են ունեցել բնակիչները․ նրանց միջոցների հաշվին կատարվել է 4 մլրդ 658.8 մլն դրամի շինարարություն, ինչը նախորդ տարվա նույն ամսվա համեմատ ավելի է 40%-ով։
Հաջորդը պետական միջոցների հաշվին կատարված շինարարությունն է, որը կազմել է 4 մլրդ 196.2 մլն դրամ՝ 14․9%-ով ավելի նախորդ տարվա նույն ամսվա համեմատ։
Համայնքային միջոցների հաշվին կատարվող շինարարությունն ավելացել է 4․9 անգամ՝ կազմելով 379.7 մլն դրամ։
Նվազել են միջազգային վարկերի հաշվին կատարվող շինարարության ծավալները 42․2%-ով, ինչպես նաև օտարերկրյա ներդրողների միջոցների հաշվին շինարարությունը 46․4%-ով՝ կազմելով 1 միլիարդ 063.3 մլն դրամ։
Անժելա Պողոսյան
