14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Նավթի գները կտրուկ անկում են ապրել
Քաղաքականություն
05.04.2021 | 22:19
Նավթի գների անկումը երկուշաբթի երեկոյան արագացել է և հասել չորսից հինգ տոկոսի, գրում է ՌԻԱ Նովոստին:
Մոսկվայի ժամանակով ժամը 19։30-ի դրությամբ՝ Brent տեսակի նավթի խառնուրդի հունիսյան ֆյուչերսների գինը նվազել է 4․49 տոկոսով ՝ մինչև 61,88 դոլար, WTI տեսակի նավթի մայիսյան ֆյուչերսների գինը՝ 5,16 տոկոսով՝ մեկ բարելի դիմաց 58․28 դոլար: Միևնույն ժամանակ, օրվա ընթացքում նավթը երկու տոկոսով էժանացել է, այնուհետև անկումն արագացել է և հասել երեք տոկոսի՝ Միացյալ Նահանգներում առևտրի բացմամբ:
ՕՊԵԿ+-ը կրճատել է արտադրությունն օրական 9․7 միլիոն բարելով 2020 թվականի մայիսից ի վեր՝ կորոնավիրուսային համաճարակի հետևանքով նավթի պահանջարկի անկման պատճառով: Ծավալները վերականգնվելուն պես սահմանափակումները ճշգրտվել են, և այս ապրիլի համար դրանք կազմում են օրական 6․9 միլիոն բարել: Բոլորի համար ելակետայինը 2018-ի հոկտեմբերի ցուցանիշն է, իսկ Ռուսաստանի և Սաուդյան Արաբիայի համար՝ օրական 11 միլիոն բարելը:
Ավելի վաղ հայտնել էինք, որ ՕՊԵԿ-ի անդամ երկրների նախարարները համաձայնության են եկել մայիսին սկսել նավթի արդյունահանման վերականգնումը՝ օրական 1․14 միլիոն բարելի չափով:
