08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Ադրբեջանի պետական նավթային ընկերությունը ՀՀ-ին մինչև 150 միլիոն խորանարդ մետր ռուսական բնական գազ կմատակարարի
Քաղաքականություն
05.04.2021 | 16:25
Ադրբեջանի պետական նավթային ընկերությունը (SOCAR) Հայաստան կմատակարարի մինչև 150 միլիոն խորանարդ մետր ռուսական բնական գազ՝ նախորդ ամիս «Գազպրոմ էքսպորտ»-ի հետ կնքված կարճաժամկետ պայմանագրի համաձայն։ Այս մասին այսօր՝ հայտարարել է SOCAR- ի պաշտոնական ներկայացուցիչ Իբրահիմ Ահմեդովը, գրում է EurAsia Daily-ն:
Մարտի 17-ի հայտնի էր դարձել, որ «Գազպրոմ»-ի արտահանման բաժինը կարճաժամկետ պայմանագիր է կնքել ադրբեջանական ընկերության հետ ռուսական գազի տեղափոխման համար, ինչը թույլ կտա շարունակել մատակարարումները հայ սպառողներին «Հյուսիսային Կովկաս-Անդրկովկաս» խողովակաշարի պլանային վերանորոգման աշխատանքների ընթացքում: Այն ժամանակ նշվել էր, որ վերանորոգման աշխատանքները կարող են տևել շուրջ երեք շաբաթ: Դրանց ավարտից հետո կապույտ վառելիքը Հայաստան կմատակարարվի նախկին երթուղով՝ Ռուսաստանի և Վրաստանի սահմաններով։
Հայաստան ռուսական գազի մատակարարումների ժամանակավոր երթուղին կգործի մինչ 2021 թվականի ապրիլի 15-ը։
Տաթև Ֆռանգյան
