11.09.2026 | 12:42
Կապանում նշանակվել է համայնքի ավագանու ընտրություն․ հայտնի է օրը
Ոչ բարենպաստ եղանակով պայմանավորված՝ Սյունիքում ականազերծման աշխատանքներն ընդհատված են․Կ․ Հախնազարյան. ՏԵՍԱՆՅՈՒԹ
05.04.2021 | 14:55
Դավիթ Բեկում ականազերծման աշխատանքներ էինք իրականացրել 2019-ին, տարածքն ամբողջությամբ մաքրված էր: Բայց վերջին պատերազմական գործողություններից հետո այս տարածքը կրկին աղտոտված է: Այս մասին «Ականի պայթյուն Դավիթ Բեկում. առջևում գյուղատնտեսական աշխատանքներն են, ի՞նչ փուլում են ականազերծման աշխատանքները» թեմայով քննարկման ժամանակ նշեց «Հումանիտար ականազերծման և փորձագիտական կենտրոն»-ի հասարակայնության հետ կապերի պատասխանատու Կարինե Հախնազարյանը:
Նրա խոսքով՝ 30 հազ. քմ տարածքում ոչ տեխնիկական հետազոտություն է իրականացվել: Փետրվարին Դավիթ Բեկ գյուղում կասետային ենթազինամթերք է հայտնաբերվել, որը ոչնչացվել է:
«Այս պահի դրությամբ, դեկտեմբերից սկսած՝ Սյունիքի մարզում ականզերծման աշխատանքները եղանակային ոչ բարենպաստ պատճառներով ընդհատված են, բայց մոտ օրերս կվերսկսվեն, լայնամասշտաբ աշխատանքներ կիրականացվեն»,-նշեց Հախնազարյանը:
Մանրամասները՝ տեսանյութում:
